|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 159
|
1. Info |
| To: | śacī paulomī’s hymn [against cowives] | |
| From: | śacī paulomī | |
| Metres: | 1st set of styles: nicṛdanuṣṭup (1-3, 5); pādanicṛdanuṣṭup (4); anuṣṭup (6) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.159.01 (Mandala. Sukta. Rik)
8.8.17.01 (Ashtaka. Adhyaya. Varga. Rik)
10.12.036 (Mandala. Anuvāka. Rik)
Samhita Devanagari Accented
उद॒सौ सूर्यो॑ अगा॒दुद॒यं मा॑म॒को भगः॑ ।
अ॒हं तद्वि॑द्व॒ला पति॑म॒भ्य॑साक्षि विषास॒हिः ॥
Samhita Devanagari Nonaccented
उदसौ सूर्यो अगादुदयं मामको भगः ।
अहं तद्विद्वला पतिमभ्यसाक्षि विषासहिः ॥
Samhita Transcription Accented
údasáu sū́ryo agādúdayám māmakó bhágaḥ ǀ
ahám tádvidvalā́ pátimabhyásākṣi viṣāsahíḥ ǁ
Samhita Transcription Nonaccented
udasau sūryo agādudayam māmako bhagaḥ ǀ
aham tadvidvalā patimabhyasākṣi viṣāsahiḥ ǁ
Padapatha Devanagari Accented
उत् । अ॒सौ । सूर्यः॑ । अ॒गा॒त् । उत् । अ॒यम् । मा॒म॒कः । भगः॑ ।
अ॒हम् । तत् । वि॒द्व॒ला । पति॑म् । अ॒भि । अ॒सा॒क्षि॒ । वि॒ऽस॒स॒हिः ॥
Padapatha Devanagari Nonaccented
उत् । असौ । सूर्यः । अगात् । उत् । अयम् । मामकः । भगः ।
अहम् । तत् । विद्वला । पतिम् । अभि । असाक्षि । विऽससहिः ॥
Padapatha Transcription Accented
út ǀ asáu ǀ sū́ryaḥ ǀ agāt ǀ út ǀ ayám ǀ māmakáḥ ǀ bhágaḥ ǀ
ahám ǀ tát ǀ vidvalā́ ǀ pátim ǀ abhí ǀ asākṣi ǀ vi-sasahíḥ ǁ
Padapatha Transcription Nonaccented
ut ǀ asau ǀ sūryaḥ ǀ agāt ǀ ut ǀ ayam ǀ māmakaḥ ǀ bhagaḥ ǀ
aham ǀ tat ǀ vidvalā ǀ patim ǀ abhi ǀ asākṣi ǀ vi-sasahiḥ ǁ
10.159.02 (Mandala. Sukta. Rik)
8.8.17.02 (Ashtaka. Adhyaya. Varga. Rik)
10.12.037 (Mandala. Anuvāka. Rik)
Samhita Devanagari Accented
अ॒हं के॒तुर॒हं मू॒र्धाहमु॒ग्रा वि॒वाच॑नी ।
ममेदनु॒ क्रतुं॒ पतिः॑ सेहा॒नाया॑ उ॒पाच॑रेत् ॥
Samhita Devanagari Nonaccented
अहं केतुरहं मूर्धाहमुग्रा विवाचनी ।
ममेदनु क्रतुं पतिः सेहानाया उपाचरेत् ॥
Samhita Transcription Accented
ahám ketúrahám mūrdhā́hámugrā́ vivā́canī ǀ
mámédánu krátum pátiḥ sehānā́yā upā́caret ǁ
Samhita Transcription Nonaccented
aham keturaham mūrdhāhamugrā vivācanī ǀ
mamedanu kratum patiḥ sehānāyā upācaret ǁ
Padapatha Devanagari Accented
अ॒हम् । के॒तुः । अ॒हम् । मू॒र्धा । अ॒हम् । उ॒ग्रा । वि॒ऽवाच॑नी ।
मम॑ । इत् । अनु॑ । क्रतु॑म् । पतिः॑ । से॒हा॒नायाः॑ । उ॒प॒ऽआच॑रेत् ॥
Padapatha Devanagari Nonaccented
अहम् । केतुः । अहम् । मूर्धा । अहम् । उग्रा । विऽवाचनी ।
मम । इत् । अनु । क्रतुम् । पतिः । सेहानायाः । उपऽआचरेत् ॥
Padapatha Transcription Accented
ahám ǀ ketúḥ ǀ ahám ǀ mūrdhā́ ǀ ahám ǀ ugrā́ ǀ vi-vā́canī ǀ
máma ǀ ít ǀ ánu ǀ krátum ǀ pátiḥ ǀ sehānā́yāḥ ǀ upa-ā́caret ǁ
Padapatha Transcription Nonaccented
aham ǀ ketuḥ ǀ aham ǀ mūrdhā ǀ aham ǀ ugrā ǀ vi-vācanī ǀ
mama ǀ it ǀ anu ǀ kratum ǀ patiḥ ǀ sehānāyāḥ ǀ upa-ācaret ǁ
10.159.03 (Mandala. Sukta. Rik)
8.8.17.03 (Ashtaka. Adhyaya. Varga. Rik)
10.12.038 (Mandala. Anuvāka. Rik)
Samhita Devanagari Accented
मम॑ पु॒त्राः श॑त्रु॒हणोऽथो॑ मे दुहि॒ता वि॒राट् ।
उ॒ताहम॑स्मि संज॒या पत्यौ॑ मे॒ श्लोक॑ उत्त॒मः ॥
Samhita Devanagari Nonaccented
मम पुत्राः शत्रुहणोऽथो मे दुहिता विराट् ।
उताहमस्मि संजया पत्यौ मे श्लोक उत्तमः ॥
Samhita Transcription Accented
máma putrā́ḥ śatruháṇó’tho me duhitā́ virā́ṭ ǀ
utā́hámasmi saṃjayā́ pátyau me ślóka uttamáḥ ǁ
Samhita Transcription Nonaccented
mama putrāḥ śatruhaṇo’tho me duhitā virāṭ ǀ
utāhamasmi saṃjayā patyau me śloka uttamaḥ ǁ
Padapatha Devanagari Accented
मम॑ । पु॒त्राः । श॒त्रु॒ऽहनः॑ । अथो॒ इति॑ । मे॒ । दु॒हि॒ता । वि॒राट् ।
उ॒त । अ॒हम् । अ॒स्मि॒ । स॒म्ऽज॒या । पत्यौ॑ । मे॒ । श्लोकः॑ । उ॒त्ऽत॒मः ॥
Padapatha Devanagari Nonaccented
मम । पुत्राः । शत्रुऽहनः । अथो इति । मे । दुहिता । विराट् ।
उत । अहम् । अस्मि । सम्ऽजया । पत्यौ । मे । श्लोकः । उत्ऽतमः ॥
Padapatha Transcription Accented
máma ǀ putrā́ḥ ǀ śatru-hánaḥ ǀ átho íti ǀ me ǀ duhitā́ ǀ virā́ṭ ǀ
utá ǀ ahám ǀ asmi ǀ sam-jayā́ ǀ pátyau ǀ me ǀ ślókaḥ ǀ ut-tamáḥ ǁ
Padapatha Transcription Nonaccented
mama ǀ putrāḥ ǀ śatru-hanaḥ ǀ atho iti ǀ me ǀ duhitā ǀ virāṭ ǀ
uta ǀ aham ǀ asmi ǀ sam-jayā ǀ patyau ǀ me ǀ ślokaḥ ǀ ut-tamaḥ ǁ
10.159.04 (Mandala. Sukta. Rik)
8.8.17.04 (Ashtaka. Adhyaya. Varga. Rik)
10.12.039 (Mandala. Anuvāka. Rik)
Samhita Devanagari Accented
येनेंद्रो॑ ह॒विषा॑ कृ॒त्व्यभ॑वद्द्यु॒म्न्यु॑त्त॒मः ।
इ॒दं तद॑क्रि देवा असप॒त्ना किला॑भुवं ॥
Samhita Devanagari Nonaccented
येनेंद्रो हविषा कृत्व्यभवद्द्युम्न्युत्तमः ।
इदं तदक्रि देवा असपत्ना किलाभुवं ॥
Samhita Transcription Accented
yénéndro havíṣā kṛtvyábhavaddyumnyúttamáḥ ǀ
idám tádakri devā asapatnā́ kílābhuvam ǁ
Samhita Transcription Nonaccented
yenendro haviṣā kṛtvyabhavaddyumnyuttamaḥ ǀ
idam tadakri devā asapatnā kilābhuvam ǁ
Padapatha Devanagari Accented
येन॑ । इन्द्रः॑ । ह॒विषा॑ । कृ॒त्वी । अभ॑वत् । द्यु॒म्नी । उ॒त्ऽत॒मः ।
इ॒दम् । तत् । अ॒क्रि॒ । दे॒वाः॒ । अ॒स॒प॒त्ना । किल॑ । अ॒भु॒व॒म् ॥
Padapatha Devanagari Nonaccented
येन । इन्द्रः । हविषा । कृत्वी । अभवत् । द्युम्नी । उत्ऽतमः ।
इदम् । तत् । अक्रि । देवाः । असपत्ना । किल । अभुवम् ॥
Padapatha Transcription Accented
yéna ǀ índraḥ ǀ havíṣā ǀ kṛtvī́ ǀ ábhavat ǀ dyumnī́ ǀ ut-tamáḥ ǀ
idám ǀ tát ǀ akri ǀ devāḥ ǀ asapatnā́ ǀ kíla ǀ abhuvam ǁ
Padapatha Transcription Nonaccented
yena ǀ indraḥ ǀ haviṣā ǀ kṛtvī ǀ abhavat ǀ dyumnī ǀ ut-tamaḥ ǀ
idam ǀ tat ǀ akri ǀ devāḥ ǀ asapatnā ǀ kila ǀ abhuvam ǁ
10.159.05 (Mandala. Sukta. Rik)
8.8.17.05 (Ashtaka. Adhyaya. Varga. Rik)
10.12.040 (Mandala. Anuvāka. Rik)
Samhita Devanagari Accented
अ॒स॒प॒त्ना स॑पत्न॒घ्नी जयं॑त्यभि॒भूव॑री ।
आवृ॑क्षम॒न्यासां॒ वर्चो॒ राधो॒ अस्थे॑यसामिव ॥
Samhita Devanagari Nonaccented
असपत्ना सपत्नघ्नी जयंत्यभिभूवरी ।
आवृक्षमन्यासां वर्चो राधो अस्थेयसामिव ॥
Samhita Transcription Accented
asapatnā́ sapatnaghnī́ jáyantyabhibhū́varī ǀ
ā́vṛkṣamanyā́sām várco rā́dho ástheyasāmiva ǁ
Samhita Transcription Nonaccented
asapatnā sapatnaghnī jayantyabhibhūvarī ǀ
āvṛkṣamanyāsām varco rādho astheyasāmiva ǁ
Padapatha Devanagari Accented
अ॒स॒प॒त्ना । स॒प॒त्न॒ऽघ्नी । जय॑न्ती । अ॒भि॒ऽभूव॑री ।
आ । अ॒वृ॒क्ष॒म् । अ॒न्यासा॑म् । वर्चः॑ । राधः॑ । अस्थे॑यसाम्ऽइव ॥
Padapatha Devanagari Nonaccented
असपत्ना । सपत्नऽघ्नी । जयन्ती । अभिऽभूवरी ।
आ । अवृक्षम् । अन्यासाम् । वर्चः । राधः । अस्थेयसाम्ऽइव ॥
Padapatha Transcription Accented
asapatnā́ ǀ sapatna-ghnī́ ǀ jáyantī ǀ abhi-bhū́varī ǀ
ā́ ǀ avṛkṣam ǀ anyā́sām ǀ várcaḥ ǀ rā́dhaḥ ǀ ástheyasām-iva ǁ
Padapatha Transcription Nonaccented
asapatnā ǀ sapatna-ghnī ǀ jayantī ǀ abhi-bhūvarī ǀ
ā ǀ avṛkṣam ǀ anyāsām ǀ varcaḥ ǀ rādhaḥ ǀ astheyasām-iva ǁ
10.159.06 (Mandala. Sukta. Rik)
8.8.17.06 (Ashtaka. Adhyaya. Varga. Rik)
10.12.041 (Mandala. Anuvāka. Rik)
Samhita Devanagari Accented
सम॑जैषमि॒मा अ॒हं स॒पत्नी॑रभि॒भूव॑री ।
यथा॒हम॒स्य वी॒रस्य॑ वि॒राजा॑नि॒ जन॑स्य च ॥
Samhita Devanagari Nonaccented
समजैषमिमा अहं सपत्नीरभिभूवरी ।
यथाहमस्य वीरस्य विराजानि जनस्य च ॥
Samhita Transcription Accented
sámajaiṣamimā́ ahám sapátnīrabhibhū́varī ǀ
yáthāhámasyá vīrásya virā́jāni jánasya ca ǁ
Samhita Transcription Nonaccented
samajaiṣamimā aham sapatnīrabhibhūvarī ǀ
yathāhamasya vīrasya virājāni janasya ca ǁ
Padapatha Devanagari Accented
सम् । अ॒जै॒ष॒म् । इ॒माः । अ॒हम् । स॒ऽपत्नीः॑ । अ॒भि॒ऽभूव॑री ।
यथा॑ । अ॒हम् । अ॒स्य । वी॒रस्य॑ । वि॒ऽराजा॑नि । जन॑स्य । च॒ ॥
Padapatha Devanagari Nonaccented
सम् । अजैषम् । इमाः । अहम् । सऽपत्नीः । अभिऽभूवरी ।
यथा । अहम् । अस्य । वीरस्य । विऽराजानि । जनस्य । च ॥
Padapatha Transcription Accented
sám ǀ ajaiṣam ǀ imā́ḥ ǀ ahám ǀ sa-pátnīḥ ǀ abhi-bhū́varī ǀ
yáthā ǀ ahám ǀ asyá ǀ vīrásya ǀ vi-rā́jāni ǀ jánasya ǀ ca ǁ
Padapatha Transcription Nonaccented
sam ǀ ajaiṣam ǀ imāḥ ǀ aham ǀ sa-patnīḥ ǀ abhi-bhūvarī ǀ
yathā ǀ aham ǀ asya ǀ vīrasya ǀ vi-rājāni ǀ janasya ǀ ca ǁ