|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 160
|
1. Info |
| To: | indra | |
| From: | pūraṇa vaiśvāmitra | |
| Metres: | 1st set of styles: triṣṭup (1, 3); virāṭtrisṭup (4, 5); pādanicṛttriṣṭup (2) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.160.01 (Mandala. Sukta. Rik)
8.8.18.01 (Ashtaka. Adhyaya. Varga. Rik)
10.12.042 (Mandala. Anuvāka. Rik)
Samhita Devanagari Accented
ती॒व्रस्या॒भिव॑यसो अ॒स्य पा॑हि सर्वर॒था वि हरी॑ इ॒ह मुं॑च ।
इंद्र॒ मा त्वा॒ यज॑मानासो अ॒न्ये नि री॑रमं॒तुभ्य॑मि॒मे सु॒तासः॑ ॥
Samhita Devanagari Nonaccented
तीव्रस्याभिवयसो अस्य पाहि सर्वरथा वि हरी इह मुंच ।
इंद्र मा त्वा यजमानासो अन्ये नि रीरमंतुभ्यमिमे सुतासः ॥
Samhita Transcription Accented
tīvrásyābhívayaso asyá pāhi sarvarathā́ ví hárī ihá muñca ǀ
índra mā́ tvā yájamānāso anyé ní rīramantúbhyamimé sutā́saḥ ǁ
Samhita Transcription Nonaccented
tīvrasyābhivayaso asya pāhi sarvarathā vi harī iha muñca ǀ
indra mā tvā yajamānāso anye ni rīramantubhyamime sutāsaḥ ǁ
Padapatha Devanagari Accented
ती॒व्रस्य॑ । अ॒भिऽव॑यसः । अ॒स्य । पा॒हि॒ । स॒र्व॒ऽर॒था । वि । हरी॒ इति॑ । इ॒ह । मु॒ञ्च॒ ।
इन्द्र॑ । मा । त्वा॒ । यज॑मानासः । अ॒न्ये । नि । री॒र॒म॒न् । तुभ्य॑म् । इ॒मे । सु॒तासः॑ ॥
Padapatha Devanagari Nonaccented
तीव्रस्य । अभिऽवयसः । अस्य । पाहि । सर्वऽरथा । वि । हरी इति । इह । मुञ्च ।
इन्द्र । मा । त्वा । यजमानासः । अन्ये । नि । रीरमन् । तुभ्यम् । इमे । सुतासः ॥
Padapatha Transcription Accented
tīvrásya ǀ abhí-vayasaḥ ǀ asyá ǀ pāhi ǀ sarva-rathā́ ǀ ví ǀ hárī íti ǀ ihá ǀ muñca ǀ
índra ǀ mā́ ǀ tvā ǀ yájamānāsaḥ ǀ anyé ǀ ní ǀ rīraman ǀ túbhyam ǀ imé ǀ sutā́saḥ ǁ
Padapatha Transcription Nonaccented
tīvrasya ǀ abhi-vayasaḥ ǀ asya ǀ pāhi ǀ sarva-rathā ǀ vi ǀ harī iti ǀ iha ǀ muñca ǀ
indra ǀ mā ǀ tvā ǀ yajamānāsaḥ ǀ anye ǀ ni ǀ rīraman ǀ tubhyam ǀ ime ǀ sutāsaḥ ǁ
10.160.02 (Mandala. Sukta. Rik)
8.8.18.02 (Ashtaka. Adhyaya. Varga. Rik)
10.12.043 (Mandala. Anuvāka. Rik)
Samhita Devanagari Accented
तुभ्यं॑ सु॒तास्तुभ्य॑मु॒ सोत्वा॑स॒स्त्वां गिरः॒ श्वात्र्या॒ आ ह्व॑यंति ।
इंद्रे॒दम॒द्य सव॑नं जुषा॒णो विश्व॑स्य वि॒द्वाँ इ॒ह पा॑हि॒ सोमं॑ ॥
Samhita Devanagari Nonaccented
तुभ्यं सुतास्तुभ्यमु सोत्वासस्त्वां गिरः श्वात्र्या आ ह्वयंति ।
इंद्रेदमद्य सवनं जुषाणो विश्वस्य विद्वाँ इह पाहि सोमं ॥
Samhita Transcription Accented
túbhyam sutā́stúbhyamu sótvāsastvā́m gíraḥ śvā́tryā ā́ hvayanti ǀ
índredámadyá sávanam juṣāṇó víśvasya vidvā́m̐ ihá pāhi sómam ǁ
Samhita Transcription Nonaccented
tubhyam sutāstubhyamu sotvāsastvām giraḥ śvātryā ā hvayanti ǀ
indredamadya savanam juṣāṇo viśvasya vidvām̐ iha pāhi somam ǁ
Padapatha Devanagari Accented
तुभ्य॑म् । सु॒ताः । तुभ्य॑म् । ऊं॒ इति॑ । सोत्वा॑सः । त्वाम् । गिरः॑ । श्वात्र्याः॑ । आ । ह्व॒य॒न्ति॒ ।
इन्द्र॑ । इ॒दम् । अ॒द्य । सव॑नम् । जु॒षा॒णः । विश्व॑स्य । वि॒द्वान् । इ॒ह । पा॒हि॒ । सोम॑म् ॥
Padapatha Devanagari Nonaccented
तुभ्यम् । सुताः । तुभ्यम् । ऊं इति । सोत्वासः । त्वाम् । गिरः । श्वात्र्याः । आ । ह्वयन्ति ।
इन्द्र । इदम् । अद्य । सवनम् । जुषाणः । विश्वस्य । विद्वान् । इह । पाहि । सोमम् ॥
Padapatha Transcription Accented
túbhyam ǀ sutā́ḥ ǀ túbhyam ǀ ūṃ íti ǀ sótvāsaḥ ǀ tvā́m ǀ gíraḥ ǀ śvā́tryāḥ ǀ ā́ ǀ hvayanti ǀ
índra ǀ idám ǀ adyá ǀ sávanam ǀ juṣāṇáḥ ǀ víśvasya ǀ vidvā́n ǀ ihá ǀ pāhi ǀ sómam ǁ
Padapatha Transcription Nonaccented
tubhyam ǀ sutāḥ ǀ tubhyam ǀ ūṃ iti ǀ sotvāsaḥ ǀ tvām ǀ giraḥ ǀ śvātryāḥ ǀ ā ǀ hvayanti ǀ
indra ǀ idam ǀ adya ǀ savanam ǀ juṣāṇaḥ ǀ viśvasya ǀ vidvān ǀ iha ǀ pāhi ǀ somam ǁ
10.160.03 (Mandala. Sukta. Rik)
8.8.18.03 (Ashtaka. Adhyaya. Varga. Rik)
10.12.044 (Mandala. Anuvāka. Rik)
Samhita Devanagari Accented
य उ॑श॒ता मन॑सा॒ सोम॑मस्मै सर्वहृ॒दा दे॒वका॑मः सु॒नोति॑ ।
न गा इंद्र॒स्तस्य॒ परा॑ ददाति प्रश॒स्तमिच्चारु॑मस्मै कृणोति ॥
Samhita Devanagari Nonaccented
य उशता मनसा सोममस्मै सर्वहृदा देवकामः सुनोति ।
न गा इंद्रस्तस्य परा ददाति प्रशस्तमिच्चारुमस्मै कृणोति ॥
Samhita Transcription Accented
yá uśatā́ mánasā sómamasmai sarvahṛdā́ devákāmaḥ sunóti ǀ
ná gā́ índrastásya párā dadāti praśastámíccā́rumasmai kṛṇoti ǁ
Samhita Transcription Nonaccented
ya uśatā manasā somamasmai sarvahṛdā devakāmaḥ sunoti ǀ
na gā indrastasya parā dadāti praśastamiccārumasmai kṛṇoti ǁ
Padapatha Devanagari Accented
यः । उ॒श॒ता । मन॑सा । सोम॑म् । अ॒स्मै॒ । स॒र्व॒ऽहृ॒दा । दे॒वऽका॑मः । सु॒नोति॑ ।
न । गाः । इन्द्रः॑ । तस्य॑ । परा॑ । द॒दा॒ति॒ । प्र॒ऽश॒स्तम् । इत् । चारु॑म् । अ॒स्मै॒ । कृ॒णो॒ति॒ ॥
Padapatha Devanagari Nonaccented
यः । उशता । मनसा । सोमम् । अस्मै । सर्वऽहृदा । देवऽकामः । सुनोति ।
न । गाः । इन्द्रः । तस्य । परा । ददाति । प्रऽशस्तम् । इत् । चारुम् । अस्मै । कृणोति ॥
Padapatha Transcription Accented
yáḥ ǀ uśatā́ ǀ mánasā ǀ sómam ǀ asmai ǀ sarva-hṛdā́ ǀ devá-kāmaḥ ǀ sunóti ǀ
ná ǀ gā́ḥ ǀ índraḥ ǀ tásya ǀ párā ǀ dadāti ǀ pra-śastám ǀ ít ǀ cā́rum ǀ asmai ǀ kṛṇoti ǁ
Padapatha Transcription Nonaccented
yaḥ ǀ uśatā ǀ manasā ǀ somam ǀ asmai ǀ sarva-hṛdā ǀ deva-kāmaḥ ǀ sunoti ǀ
na ǀ gāḥ ǀ indraḥ ǀ tasya ǀ parā ǀ dadāti ǀ pra-śastam ǀ it ǀ cārum ǀ asmai ǀ kṛṇoti ǁ
10.160.04 (Mandala. Sukta. Rik)
8.8.18.04 (Ashtaka. Adhyaya. Varga. Rik)
10.12.045 (Mandala. Anuvāka. Rik)
Samhita Devanagari Accented
अनु॑स्पष्टो भवत्ये॒षो अ॑स्य॒ यो अ॑स्मै रे॒वान्न सु॒नोति॒ सोमं॑ ।
निर॑र॒त्नौ म॒घवा॒ तं द॑धाति ब्रह्म॒द्विषो॑ हं॒त्यना॑नुदिष्टः ॥
Samhita Devanagari Nonaccented
अनुस्पष्टो भवत्येषो अस्य यो अस्मै रेवान्न सुनोति सोमं ।
निररत्नौ मघवा तं दधाति ब्रह्मद्विषो हंत्यनानुदिष्टः ॥
Samhita Transcription Accented
ánuspaṣṭo bhavatyeṣó asya yó asmai revā́nná sunóti sómam ǀ
níraratnáu maghávā tám dadhāti brahmadvíṣo hantyánānudiṣṭaḥ ǁ
Samhita Transcription Nonaccented
anuspaṣṭo bhavatyeṣo asya yo asmai revānna sunoti somam ǀ
niraratnau maghavā tam dadhāti brahmadviṣo hantyanānudiṣṭaḥ ǁ
Padapatha Devanagari Accented
अनु॑ऽस्पष्टः । भ॒व॒ति॒ । ए॒षः । अ॒स्य॒ । यः । अ॒स्मै॒ । रे॒वान् । न । सु॒नोति॑ । सोम॑म् ।
निः । अ॒र॒त्नौ । म॒घऽवा॑ । तम् । द॒धा॒ति॒ । ब्र॒ह्म॒ऽद्विषः॑ । ह॒न्ति॒ । अन॑नुऽदिष्टः ॥
Padapatha Devanagari Nonaccented
अनुऽस्पष्टः । भवति । एषः । अस्य । यः । अस्मै । रेवान् । न । सुनोति । सोमम् ।
निः । अरत्नौ । मघऽवा । तम् । दधाति । ब्रह्मऽद्विषः । हन्ति । अननुऽदिष्टः ॥
Padapatha Transcription Accented
ánu-spaṣṭaḥ ǀ bhavati ǀ eṣáḥ ǀ asya ǀ yáḥ ǀ asmai ǀ revā́n ǀ ná ǀ sunóti ǀ sómam ǀ
níḥ ǀ aratnáu ǀ maghá-vā ǀ tám ǀ dadhāti ǀ brahma-dvíṣaḥ ǀ hanti ǀ ánanu-diṣṭaḥ ǁ
Padapatha Transcription Nonaccented
anu-spaṣṭaḥ ǀ bhavati ǀ eṣaḥ ǀ asya ǀ yaḥ ǀ asmai ǀ revān ǀ na ǀ sunoti ǀ somam ǀ
niḥ ǀ aratnau ǀ magha-vā ǀ tam ǀ dadhāti ǀ brahma-dviṣaḥ ǀ hanti ǀ ananu-diṣṭaḥ ǁ
10.160.05 (Mandala. Sukta. Rik)
8.8.18.05 (Ashtaka. Adhyaya. Varga. Rik)
10.12.046 (Mandala. Anuvāka. Rik)
Samhita Devanagari Accented
अ॒श्वा॒यंतो॑ ग॒व्यंतो॑ वा॒जयं॑तो॒ हवा॑महे॒ त्वोप॑गंत॒वा उ॑ ।
आ॒भूषं॑तस्ते सुम॒तौ नवा॑यां व॒यमिं॑द्र त्वा शु॒नं हु॑वेम ॥
Samhita Devanagari Nonaccented
अश्वायंतो गव्यंतो वाजयंतो हवामहे त्वोपगंतवा उ ।
आभूषंतस्ते सुमतौ नवायां वयमिंद्र त्वा शुनं हुवेम ॥
Samhita Transcription Accented
aśvāyánto gavyánto vājáyanto hávāmahe tvópagantavā́ u ǀ
ābhū́ṣantaste sumatáu návāyām vayámindra tvā śunám huvema ǁ
Samhita Transcription Nonaccented
aśvāyanto gavyanto vājayanto havāmahe tvopagantavā u ǀ
ābhūṣantaste sumatau navāyām vayamindra tvā śunam huvema ǁ
Padapatha Devanagari Accented
अ॒श्व॒ऽयन्तः॑ । ग॒व्यन्तः॑ । वा॒जय॑न्तः । हवा॑महे । त्वा॒ । उप॑ऽग॒न्त॒वै । ऊं॒ इति॑ ।
आ॒ऽभूष॑न्तः । ते॒ । सु॒ऽम॒तौ । नवा॑याम् । व॒यम् । इ॒न्द्र॒ । त्वा॒ । शु॒नम् । हु॒वे॒म॒ ॥
Padapatha Devanagari Nonaccented
अश्वऽयन्तः । गव्यन्तः । वाजयन्तः । हवामहे । त्वा । उपऽगन्तवै । ऊं इति ।
आऽभूषन्तः । ते । सुऽमतौ । नवायाम् । वयम् । इन्द्र । त्वा । शुनम् । हुवेम ॥
Padapatha Transcription Accented
aśva-yántaḥ ǀ gavyántaḥ ǀ vājáyantaḥ ǀ hávāmahe ǀ tvā ǀ úpa-gantavái ǀ ūṃ íti ǀ
ā-bhū́ṣantaḥ ǀ te ǀ su-matáu ǀ návāyām ǀ vayám ǀ indra ǀ tvā ǀ śunám ǀ huvema ǁ
Padapatha Transcription Nonaccented
aśva-yantaḥ ǀ gavyantaḥ ǀ vājayantaḥ ǀ havāmahe ǀ tvā ǀ upa-gantavai ǀ ūṃ iti ǀ
ā-bhūṣantaḥ ǀ te ǀ su-matau ǀ navāyām ǀ vayam ǀ indra ǀ tvā ǀ śunam ǀ huvema ǁ