|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 161
|
1. Info |
| To: | rājayakṣmaghnam | |
| From: | yakṣmanāśana prājāpatya | |
| Metres: | 1st set of styles: bhuriktriṣṭup (1, 4); triṣṭup (2); nicṛttriṣṭup (3); nicṛdanuṣṭup (5) 2nd set of styles: triṣṭubh (1-4); anuṣṭubh (5) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.161.01 (Mandala. Sukta. Rik)
8.8.19.01 (Ashtaka. Adhyaya. Varga. Rik)
10.12.047 (Mandala. Anuvāka. Rik)
Samhita Devanagari Accented
मुं॒चामि॑ त्वा ह॒विषा॒ जीव॑नाय॒ कम॑ज्ञातय॒क्ष्मादु॒त रा॑जय॒क्ष्मात् ।
ग्राहि॑र्ज॒ग्राह॒ यदि॑ वै॒तदे॑नं॒ तस्या॑ इंद्राग्नी॒ प्र मु॑मुक्तमेनं ॥
Samhita Devanagari Nonaccented
मुंचामि त्वा हविषा जीवनाय कमज्ञातयक्ष्मादुत राजयक्ष्मात् ।
ग्राहिर्जग्राह यदि वैतदेनं तस्या इंद्राग्नी प्र मुमुक्तमेनं ॥
Samhita Transcription Accented
muñcā́mi tvā havíṣā jī́vanāya kámajñātayakṣmā́dutá rājayakṣmā́t ǀ
grā́hirjagrā́ha yádi vaitádenam tásyā indrāgnī prá mumuktamenam ǁ
Samhita Transcription Nonaccented
muñcāmi tvā haviṣā jīvanāya kamajñātayakṣmāduta rājayakṣmāt ǀ
grāhirjagrāha yadi vaitadenam tasyā indrāgnī pra mumuktamenam ǁ
Padapatha Devanagari Accented
मु॒ञ्चामि॑ । त्वा॒ । ह॒विषा॑ । जीव॑नाय । कम् । अ॒ज्ञा॒त॒ऽय॒क्ष्मात् । उ॒त । रा॒ज॒ऽय॒क्ष्मात् ।
ग्राहिः॑ । ज॒ग्राह॑ । यदि॑ । वा॒ । ए॒तत् । ए॒न॒म् । तस्याः॑ । इ॒न्द्रा॒ग्नी॒ इति॑ । प्र । मु॒मु॒क्त॒म् । ए॒न॒म् ॥
Padapatha Devanagari Nonaccented
मुञ्चामि । त्वा । हविषा । जीवनाय । कम् । अज्ञातऽयक्ष्मात् । उत । राजऽयक्ष्मात् ।
ग्राहिः । जग्राह । यदि । वा । एतत् । एनम् । तस्याः । इन्द्राग्नी इति । प्र । मुमुक्तम् । एनम् ॥
Padapatha Transcription Accented
muñcā́mi ǀ tvā ǀ havíṣā ǀ jī́vanāya ǀ kám ǀ ajñāta-yakṣmā́t ǀ utá ǀ rāja-yakṣmā́t ǀ
grā́hiḥ ǀ jagrā́ha ǀ yádi ǀ vā ǀ etát ǀ enam ǀ tásyāḥ ǀ indrāgnī íti ǀ prá ǀ mumuktam ǀ enam ǁ
Padapatha Transcription Nonaccented
muñcāmi ǀ tvā ǀ haviṣā ǀ jīvanāya ǀ kam ǀ ajñāta-yakṣmāt ǀ uta ǀ rāja-yakṣmāt ǀ
grāhiḥ ǀ jagrāha ǀ yadi ǀ vā ǀ etat ǀ enam ǀ tasyāḥ ǀ indrāgnī iti ǀ pra ǀ mumuktam ǀ enam ǁ
10.161.02 (Mandala. Sukta. Rik)
8.8.19.02 (Ashtaka. Adhyaya. Varga. Rik)
10.12.048 (Mandala. Anuvāka. Rik)
Samhita Devanagari Accented
यदि॑ क्षि॒तायु॒र्यदि॑ वा॒ परे॑तो॒ यदि॑ मृ॒त्योरं॑ति॒कं नी॑त ए॒व ।
तमा ह॑रामि॒ निर्ऋ॑तेरु॒पस्था॒दस्पा॑र्षमेनं श॒तशा॑रदाय ॥
Samhita Devanagari Nonaccented
यदि क्षितायुर्यदि वा परेतो यदि मृत्योरंतिकं नीत एव ।
तमा हरामि निर्ऋतेरुपस्थादस्पार्षमेनं शतशारदाय ॥
Samhita Transcription Accented
yádi kṣitā́yuryádi vā páreto yádi mṛtyórantikám nī́ta evá ǀ
támā́ harāmi nírṛterupásthādáspārṣamenam śatáśāradāya ǁ
Samhita Transcription Nonaccented
yadi kṣitāyuryadi vā pareto yadi mṛtyorantikam nīta eva ǀ
tamā harāmi nirṛterupasthādaspārṣamenam śataśāradāya ǁ
Padapatha Devanagari Accented
यदि॑ । क्षि॒तऽआ॑युः । यदि॑ । वा॒ । परा॑ऽइतः । यदि॑ । मृ॒त्योः । अ॒न्ति॒कम् । निऽइ॑तः । ए॒व ।
तम् । आ । ह॒रा॒मि॒ । निःऽऋ॑तेः । उ॒पऽस्था॑त् । अस्पा॑र्षम् । ए॒न॒म् । श॒तऽशा॑रदाय ॥
Padapatha Devanagari Nonaccented
यदि । क्षितऽआयुः । यदि । वा । पराऽइतः । यदि । मृत्योः । अन्तिकम् । निऽइतः । एव ।
तम् । आ । हरामि । निःऽऋतेः । उपऽस्थात् । अस्पार्षम् । एनम् । शतऽशारदाय ॥
Padapatha Transcription Accented
yádi ǀ kṣitá-āyuḥ ǀ yádi ǀ vā ǀ párā-itaḥ ǀ yádi ǀ mṛtyóḥ ǀ antikám ǀ ní-itaḥ ǀ evá ǀ
tám ǀ ā́ ǀ harāmi ǀ níḥ-ṛteḥ ǀ upá-sthāt ǀ áspārṣam ǀ enam ǀ śatá-śāradāya ǁ
Padapatha Transcription Nonaccented
yadi ǀ kṣita-āyuḥ ǀ yadi ǀ vā ǀ parā-itaḥ ǀ yadi ǀ mṛtyoḥ ǀ antikam ǀ ni-itaḥ ǀ eva ǀ
tam ǀ ā ǀ harāmi ǀ niḥ-ṛteḥ ǀ upa-sthāt ǀ aspārṣam ǀ enam ǀ śata-śāradāya ǁ
10.161.03 (Mandala. Sukta. Rik)
8.8.19.03 (Ashtaka. Adhyaya. Varga. Rik)
10.12.049 (Mandala. Anuvāka. Rik)
Samhita Devanagari Accented
स॒ह॒स्रा॒क्षेण॑ श॒तशा॑रदेन श॒तायु॑षा ह॒विषाहा॑र्षमेनं ।
श॒तं यथे॒मं श॒रदो॒ नया॒तींद्रो॒ विश्व॑स्य दुरि॒तस्य॑ पा॒रं ॥
Samhita Devanagari Nonaccented
सहस्राक्षेण शतशारदेन शतायुषा हविषाहार्षमेनं ।
शतं यथेमं शरदो नयातींद्रो विश्वस्य दुरितस्य पारं ॥
Samhita Transcription Accented
sahasrākṣéṇa śatáśāradena śatā́yuṣā havíṣā́hārṣamenam ǀ
śatám yáthemám śarádo náyātī́ndro víśvasya duritásya pārám ǁ
Samhita Transcription Nonaccented
sahasrākṣeṇa śataśāradena śatāyuṣā haviṣāhārṣamenam ǀ
śatam yathemam śarado nayātīndro viśvasya duritasya pāram ǁ
Padapatha Devanagari Accented
स॒ह॒स्र॒ऽअ॒क्षेण॑ । श॒तऽशा॑रदेन । श॒तऽआ॑युषा । ह॒विषा॑ । आ । अ॒हा॒र्ष॒म् । ए॒न॒म् ।
श॒तम् । यथा॑ । इ॒मम् । श॒रदः॑ । नया॑ति । इन्द्रः॑ । विश्व॑स्य । दुः॒ऽइ॒तस्य॑ । पा॒रम् ॥
Padapatha Devanagari Nonaccented
सहस्रऽअक्षेण । शतऽशारदेन । शतऽआयुषा । हविषा । आ । अहार्षम् । एनम् ।
शतम् । यथा । इमम् । शरदः । नयाति । इन्द्रः । विश्वस्य । दुःऽइतस्य । पारम् ॥
Padapatha Transcription Accented
sahasra-akṣéṇa ǀ śatá-śāradena ǀ śatá-āyuṣā ǀ havíṣā ǀ ā́ ǀ ahārṣam ǀ enam ǀ
śatám ǀ yáthā ǀ imám ǀ śarádaḥ ǀ náyāti ǀ índraḥ ǀ víśvasya ǀ duḥ-itásya ǀ pārám ǁ
Padapatha Transcription Nonaccented
sahasra-akṣeṇa ǀ śata-śāradena ǀ śata-āyuṣā ǀ haviṣā ǀ ā ǀ ahārṣam ǀ enam ǀ
śatam ǀ yathā ǀ imam ǀ śaradaḥ ǀ nayāti ǀ indraḥ ǀ viśvasya ǀ duḥ-itasya ǀ pāram ǁ
10.161.04 (Mandala. Sukta. Rik)
8.8.19.04 (Ashtaka. Adhyaya. Varga. Rik)
10.12.050 (Mandala. Anuvāka. Rik)
Samhita Devanagari Accented
श॒तं जी॑व श॒रदो॒ वर्ध॑मानः श॒तं हे॑मं॒तांछ॒तमु॑ वसं॒तान् ।
श॒तमिं॑द्रा॒ग्नी स॑वि॒ता बृह॒स्पतिः॑ श॒तायु॑षा ह॒विषे॒मं पुन॑र्दुः ॥
Samhita Devanagari Nonaccented
शतं जीव शरदो वर्धमानः शतं हेमंतांछतमु वसंतान् ।
शतमिंद्राग्नी सविता बृहस्पतिः शतायुषा हविषेमं पुनर्दुः ॥
Samhita Transcription Accented
śatám jīva śarádo várdhamānaḥ śatám hemantā́ñchatámu vasantā́n ǀ
śatámindrāgnī́ savitā́ bṛ́haspátiḥ śatā́yuṣā havíṣemám púnarduḥ ǁ
Samhita Transcription Nonaccented
śatam jīva śarado vardhamānaḥ śatam hemantāñchatamu vasantān ǀ
śatamindrāgnī savitā bṛhaspatiḥ śatāyuṣā haviṣemam punarduḥ ǁ
Padapatha Devanagari Accented
श॒तम् । जी॒व॒ । श॒रदः॑ । वर्ध॑मानः । श॒तम् । हे॒म॒न्तान् । श॒तम् । ऊं॒ इति॑ । व॒स॒न्तान् ।
श॒तम् । इ॒न्द्रा॒ग्नी इति॑ । स॒वि॒ता । बृह॒स्पतिः॑ । श॒तऽआ॑युषा । ह॒विषा॑ । इ॒मम् । पुनः॑ । दुः॒ ॥
Padapatha Devanagari Nonaccented
शतम् । जीव । शरदः । वर्धमानः । शतम् । हेमन्तान् । शतम् । ऊं इति । वसन्तान् ।
शतम् । इन्द्राग्नी इति । सविता । बृहस्पतिः । शतऽआयुषा । हविषा । इमम् । पुनः । दुः ॥
Padapatha Transcription Accented
śatám ǀ jīva ǀ śarádaḥ ǀ várdhamānaḥ ǀ śatám ǀ hemantā́n ǀ śatám ǀ ūṃ íti ǀ vasantā́n ǀ
śatám ǀ indrāgnī́ íti ǀ savitā́ ǀ bṛ́haspátiḥ ǀ śatá-āyuṣā ǀ havíṣā ǀ imám ǀ púnaḥ ǀ duḥ ǁ
Padapatha Transcription Nonaccented
śatam ǀ jīva ǀ śaradaḥ ǀ vardhamānaḥ ǀ śatam ǀ hemantān ǀ śatam ǀ ūṃ iti ǀ vasantān ǀ
śatam ǀ indrāgnī iti ǀ savitā ǀ bṛhaspatiḥ ǀ śata-āyuṣā ǀ haviṣā ǀ imam ǀ punaḥ ǀ duḥ ǁ
10.161.05 (Mandala. Sukta. Rik)
8.8.19.05 (Ashtaka. Adhyaya. Varga. Rik)
10.12.051 (Mandala. Anuvāka. Rik)
Samhita Devanagari Accented
आहा॑र्षं॒ त्वावि॑दं त्वा॒ पुन॒रागाः॑ पुनर्नव ।
सर्वां॑ग॒ सर्वं॑ ते॒ चक्षुः॒ सर्व॒मायु॑श्च तेऽविदं ॥
Samhita Devanagari Nonaccented
आहार्षं त्वाविदं त्वा पुनरागाः पुनर्नव ।
सर्वांग सर्वं ते चक्षुः सर्वमायुश्च तेऽविदं ॥
Samhita Transcription Accented
ā́hārṣam tvā́vidam tvā púnarā́gāḥ punarnava ǀ
sárvāṅga sárvam te cákṣuḥ sárvamā́yuśca te’vidam ǁ
Samhita Transcription Nonaccented
āhārṣam tvāvidam tvā punarāgāḥ punarnava ǀ
sarvāṅga sarvam te cakṣuḥ sarvamāyuśca te’vidam ǁ
Padapatha Devanagari Accented
आ । अ॒हा॒र्ष॒म् । त्वा॒ । अवि॑दम् । त्वा॒ । पुनः॑ । आ । अ॒गाः॒ । पु॒नः॒ऽन॒व॒ ।
सर्व॑ऽअङ्ग । सर्व॑म् । ते॒ । चक्षुः॑ । सर्व॑म् । आयुः॑ । च॒ । ते॒ । अ॒वि॒द॒म् ॥
Padapatha Devanagari Nonaccented
आ । अहार्षम् । त्वा । अविदम् । त्वा । पुनः । आ । अगाः । पुनःऽनव ।
सर्वऽअङ्ग । सर्वम् । ते । चक्षुः । सर्वम् । आयुः । च । ते । अविदम् ॥
Padapatha Transcription Accented
ā́ ǀ ahārṣam ǀ tvā ǀ ávidam ǀ tvā ǀ púnaḥ ǀ ā́ ǀ agāḥ ǀ punaḥ-nava ǀ
sárva-aṅga ǀ sárvam ǀ te ǀ cákṣuḥ ǀ sárvam ǀ ā́yuḥ ǀ ca ǀ te ǀ avidam ǁ
Padapatha Transcription Nonaccented
ā ǀ ahārṣam ǀ tvā ǀ avidam ǀ tvā ǀ punaḥ ǀ ā ǀ agāḥ ǀ punaḥ-nava ǀ
sarva-aṅga ǀ sarvam ǀ te ǀ cakṣuḥ ǀ sarvam ǀ āyuḥ ǀ ca ǀ te ǀ avidam ǁ