|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 165
|
1. Info |
| To: | viśvedevās | |
| From: | kapota nairṛta | |
| Metres: | 1st set of styles: nicṛttriṣṭup (2, 3); svarāṭtriṣṭup (1); bhuriktriṣṭup (4); triṣṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.165.01 (Mandala. Sukta. Rik)
8.8.23.01 (Ashtaka. Adhyaya. Varga. Rik)
10.12.069 (Mandala. Anuvāka. Rik)
Samhita Devanagari Accented
देवाः॑ क॒पोत॑ इषि॒तो यदि॒च्छंदू॒तो निर्ऋ॑त्या इ॒दमा॑ज॒गाम॑ ।
तस्मा॑ अर्चाम कृ॒णवा॑म॒ निष्कृ॑तिं॒ शं नो॑ अस्तु द्वि॒पदे॒ शं चतु॑ष्पदे ॥
Samhita Devanagari Nonaccented
देवाः कपोत इषितो यदिच्छंदूतो निर्ऋत्या इदमाजगाम ।
तस्मा अर्चाम कृणवाम निष्कृतिं शं नो अस्तु द्विपदे शं चतुष्पदे ॥
Samhita Transcription Accented
dévāḥ kapóta iṣitó yádicchándūtó nírṛtyā idámājagā́ma ǀ
tásmā arcāma kṛṇávāma níṣkṛtim śám no astu dvipáde śám cátuṣpade ǁ
Samhita Transcription Nonaccented
devāḥ kapota iṣito yadicchandūto nirṛtyā idamājagāma ǀ
tasmā arcāma kṛṇavāma niṣkṛtim śam no astu dvipade śam catuṣpade ǁ
Padapatha Devanagari Accented
देवाः॑ । क॒पोतः॑ । इ॒षि॒तः । यत् । इ॒च्छन् । दू॒तः । निःऽऋ॑त्याः । इ॒दम् । आ॒ऽज॒गाम॑ ।
तस्मै॑ । अ॒र्चा॒म॒ । कृ॒णवा॑म । निःऽकृ॑तिम् । शम् । नः॒ । अ॒स्तु॒ । द्वि॒ऽपदे॑ । शम् । चतुः॑ऽपदे ॥
Padapatha Devanagari Nonaccented
देवाः । कपोतः । इषितः । यत् । इच्छन् । दूतः । निःऽऋत्याः । इदम् । आऽजगाम ।
तस्मै । अर्चाम । कृणवाम । निःऽकृतिम् । शम् । नः । अस्तु । द्विऽपदे । शम् । चतुःऽपदे ॥
Padapatha Transcription Accented
dévāḥ ǀ kapótaḥ ǀ iṣitáḥ ǀ yát ǀ icchán ǀ dūtáḥ ǀ níḥ-ṛtyāḥ ǀ idám ǀ ā-jagā́ma ǀ
tásmai ǀ arcāma ǀ kṛṇávāma ǀ níḥ-kṛtim ǀ śám ǀ naḥ ǀ astu ǀ dvi-páde ǀ śám ǀ cátuḥ-pade ǁ
Padapatha Transcription Nonaccented
devāḥ ǀ kapotaḥ ǀ iṣitaḥ ǀ yat ǀ icchan ǀ dūtaḥ ǀ niḥ-ṛtyāḥ ǀ idam ǀ ā-jagāma ǀ
tasmai ǀ arcāma ǀ kṛṇavāma ǀ niḥ-kṛtim ǀ śam ǀ naḥ ǀ astu ǀ dvi-pade ǀ śam ǀ catuḥ-pade ǁ
10.165.02 (Mandala. Sukta. Rik)
8.8.23.02 (Ashtaka. Adhyaya. Varga. Rik)
10.12.070 (Mandala. Anuvāka. Rik)
Samhita Devanagari Accented
शि॒वः क॒पोत॑ इषि॒तो नो॑ अस्त्वना॒गा दे॑वाः शकु॒नो गृ॒हेषु॑ ।
अ॒ग्निर्हि विप्रो॑ जु॒षतां॑ ह॒विर्नः॒ परि॑ हे॒तिः प॒क्षिणी॑ नो वृणक्तु ॥
Samhita Devanagari Nonaccented
शिवः कपोत इषितो नो अस्त्वनागा देवाः शकुनो गृहेषु ।
अग्निर्हि विप्रो जुषतां हविर्नः परि हेतिः पक्षिणी नो वृणक्तु ॥
Samhita Transcription Accented
śiváḥ kapóta iṣitó no astvanāgā́ devāḥ śakunó gṛhéṣu ǀ
agnírhí vípro juṣátām havírnaḥ pári hetíḥ pakṣíṇī no vṛṇaktu ǁ
Samhita Transcription Nonaccented
śivaḥ kapota iṣito no astvanāgā devāḥ śakuno gṛheṣu ǀ
agnirhi vipro juṣatām havirnaḥ pari hetiḥ pakṣiṇī no vṛṇaktu ǁ
Padapatha Devanagari Accented
शि॒वः । क॒पोतः॑ । इ॒षि॒तः । नः॒ । अ॒स्तु॒ । अ॒ना॒गाः । दे॒वाः॒ । श॒कु॒नः । गृ॒हेषु॑ ।
अ॒ग्निः । हि । विप्रः॑ । जु॒षता॑म् । ह॒विः । नः॒ । परि॑ । हे॒तिः । प॒क्षिणी॑ । नः॒ । वृ॒ण॒क्तु॒ ॥
Padapatha Devanagari Nonaccented
शिवः । कपोतः । इषितः । नः । अस्तु । अनागाः । देवाः । शकुनः । गृहेषु ।
अग्निः । हि । विप्रः । जुषताम् । हविः । नः । परि । हेतिः । पक्षिणी । नः । वृणक्तु ॥
Padapatha Transcription Accented
śiváḥ ǀ kapótaḥ ǀ iṣitáḥ ǀ naḥ ǀ astu ǀ anāgā́ḥ ǀ devāḥ ǀ śakunáḥ ǀ gṛhéṣu ǀ
agníḥ ǀ hí ǀ vípraḥ ǀ juṣátām ǀ havíḥ ǀ naḥ ǀ pári ǀ hetíḥ ǀ pakṣíṇī ǀ naḥ ǀ vṛṇaktu ǁ
Padapatha Transcription Nonaccented
śivaḥ ǀ kapotaḥ ǀ iṣitaḥ ǀ naḥ ǀ astu ǀ anāgāḥ ǀ devāḥ ǀ śakunaḥ ǀ gṛheṣu ǀ
agniḥ ǀ hi ǀ vipraḥ ǀ juṣatām ǀ haviḥ ǀ naḥ ǀ pari ǀ hetiḥ ǀ pakṣiṇī ǀ naḥ ǀ vṛṇaktu ǁ
10.165.03 (Mandala. Sukta. Rik)
8.8.23.03 (Ashtaka. Adhyaya. Varga. Rik)
10.12.071 (Mandala. Anuvāka. Rik)
Samhita Devanagari Accented
हे॒तिः प॒क्षिणी॒ न द॑भात्य॒स्माना॒ष्ट्र्यां प॒दं कृ॑णुते अग्नि॒धाने॑ ।
शं नो॒ गोभ्य॑श्च॒ पुरु॑षेभ्यश्चास्तु॒ मा नो॑ हिंसीदि॒ह दे॑वाः क॒पोतः॑ ॥
Samhita Devanagari Nonaccented
हेतिः पक्षिणी न दभात्यस्मानाष्ट्र्यां पदं कृणुते अग्निधाने ।
शं नो गोभ्यश्च पुरुषेभ्यश्चास्तु मा नो हिंसीदिह देवाः कपोतः ॥
Samhita Transcription Accented
hetíḥ pakṣíṇī ná dabhātyasmā́nāṣṭryā́m padám kṛṇute agnidhā́ne ǀ
śám no góbhyaśca púruṣebhyaścāstu mā́ no hiṃsīdihá devāḥ kapótaḥ ǁ
Samhita Transcription Nonaccented
hetiḥ pakṣiṇī na dabhātyasmānāṣṭryām padam kṛṇute agnidhāne ǀ
śam no gobhyaśca puruṣebhyaścāstu mā no hiṃsīdiha devāḥ kapotaḥ ǁ
Padapatha Devanagari Accented
हे॒तिः । प॒क्षिणी॑ । न । द॒भा॒ति॒ । अ॒स्मान् । आ॒ष्ट्र्याम् । प॒दम् । कृ॒णु॒ते॒ । अ॒ग्नि॒ऽधाने॑ ।
शम् । नः॒ । गोभ्यः॑ । च॒ । पुरु॑षेभ्यः । च॒ । अ॒स्तु॒ । मा । नः॒ । हिं॒सी॒त् । इ॒ह । दे॒वाः॒ । क॒पोतः॑ ॥
Padapatha Devanagari Nonaccented
हेतिः । पक्षिणी । न । दभाति । अस्मान् । आष्ट्र्याम् । पदम् । कृणुते । अग्निऽधाने ।
शम् । नः । गोभ्यः । च । पुरुषेभ्यः । च । अस्तु । मा । नः । हिंसीत् । इह । देवाः । कपोतः ॥
Padapatha Transcription Accented
hetíḥ ǀ pakṣíṇī ǀ ná ǀ dabhāti ǀ asmā́n ǀ āṣṭryā́m ǀ padám ǀ kṛṇute ǀ agni-dhā́ne ǀ
śám ǀ naḥ ǀ góbhyaḥ ǀ ca ǀ púruṣebhyaḥ ǀ ca ǀ astu ǀ mā́ ǀ naḥ ǀ hiṃsīt ǀ ihá ǀ devāḥ ǀ kapótaḥ ǁ
Padapatha Transcription Nonaccented
hetiḥ ǀ pakṣiṇī ǀ na ǀ dabhāti ǀ asmān ǀ āṣṭryām ǀ padam ǀ kṛṇute ǀ agni-dhāne ǀ
śam ǀ naḥ ǀ gobhyaḥ ǀ ca ǀ puruṣebhyaḥ ǀ ca ǀ astu ǀ mā ǀ naḥ ǀ hiṃsīt ǀ iha ǀ devāḥ ǀ kapotaḥ ǁ
10.165.04 (Mandala. Sukta. Rik)
8.8.23.04 (Ashtaka. Adhyaya. Varga. Rik)
10.12.072 (Mandala. Anuvāka. Rik)
Samhita Devanagari Accented
यदुलू॑को॒ वद॑ति मो॒घमे॒तद्यत्क॒पोतः॑ प॒दम॒ग्नौ कृ॒णोति॑ ।
यस्य॑ दू॒तः प्रहि॑त ए॒ष ए॒तत्तस्मै॑ य॒माय॒ नमो॑ अस्तु मृ॒त्यवे॑ ॥
Samhita Devanagari Nonaccented
यदुलूको वदति मोघमेतद्यत्कपोतः पदमग्नौ कृणोति ।
यस्य दूतः प्रहित एष एतत्तस्मै यमाय नमो अस्तु मृत्यवे ॥
Samhita Transcription Accented
yádúlūko vádati moghámetádyátkapótaḥ padámagnáu kṛṇóti ǀ
yásya dūtáḥ práhita eṣá etáttásmai yamā́ya námo astu mṛtyáve ǁ
Samhita Transcription Nonaccented
yadulūko vadati moghametadyatkapotaḥ padamagnau kṛṇoti ǀ
yasya dūtaḥ prahita eṣa etattasmai yamāya namo astu mṛtyave ǁ
Padapatha Devanagari Accented
यत् । उलू॑कः । वद॑ति । मो॒घम् । ए॒तत् । यत् । क॒पोतः॑ । प॒दम् । अ॒ग्नौ । कृ॒णोति॑ ।
यस्य॑ । दू॒तः । प्रऽहि॑तः । ए॒षः । ए॒तत् । तस्मै॑ । य॒माय॑ । नमः॑ । अ॒स्तु॒ । मृ॒त्यवे॑ ॥
Padapatha Devanagari Nonaccented
यत् । उलूकः । वदति । मोघम् । एतत् । यत् । कपोतः । पदम् । अग्नौ । कृणोति ।
यस्य । दूतः । प्रऽहितः । एषः । एतत् । तस्मै । यमाय । नमः । अस्तु । मृत्यवे ॥
Padapatha Transcription Accented
yát ǀ úlūkaḥ ǀ vádati ǀ moghám ǀ etát ǀ yát ǀ kapótaḥ ǀ padám ǀ agnáu ǀ kṛṇóti ǀ
yásya ǀ dūtáḥ ǀ prá-hitaḥ ǀ eṣáḥ ǀ etát ǀ tásmai ǀ yamā́ya ǀ námaḥ ǀ astu ǀ mṛtyáve ǁ
Padapatha Transcription Nonaccented
yat ǀ ulūkaḥ ǀ vadati ǀ mogham ǀ etat ǀ yat ǀ kapotaḥ ǀ padam ǀ agnau ǀ kṛṇoti ǀ
yasya ǀ dūtaḥ ǀ pra-hitaḥ ǀ eṣaḥ ǀ etat ǀ tasmai ǀ yamāya ǀ namaḥ ǀ astu ǀ mṛtyave ǁ
10.165.05 (Mandala. Sukta. Rik)
8.8.23.05 (Ashtaka. Adhyaya. Varga. Rik)
10.12.073 (Mandala. Anuvāka. Rik)
Samhita Devanagari Accented
ऋ॒चा क॒पोतं॑ नुदत प्र॒णोद॒मिषं॒ मदं॑तः॒ परि॒ गां न॑यध्वं ।
सं॒यो॒पयं॑तो दुरि॒तानि॒ विश्वा॑ हि॒त्वा न॒ ऊर्जं॒ प्र प॑ता॒त्पति॑ष्ठः ॥
Samhita Devanagari Nonaccented
ऋचा कपोतं नुदत प्रणोदमिषं मदंतः परि गां नयध्वं ।
संयोपयंतो दुरितानि विश्वा हित्वा न ऊर्जं प्र पतात्पतिष्ठः ॥
Samhita Transcription Accented
ṛcā́ kapótam nudata praṇódamíṣam mádantaḥ pári gā́m nayadhvam ǀ
saṃyopáyanto duritā́ni víśvā hitvā́ na ū́rjam prá patātpátiṣṭhaḥ ǁ
Samhita Transcription Nonaccented
ṛcā kapotam nudata praṇodamiṣam madantaḥ pari gām nayadhvam ǀ
saṃyopayanto duritāni viśvā hitvā na ūrjam pra patātpatiṣṭhaḥ ǁ
Padapatha Devanagari Accented
ऋ॒चा । क॒पोत॑म् । नु॒द॒त॒ । प्र॒ऽनोद॑म् । इष॑म् । मद॑न्तः । परि॑ । गाम् । न॒य॒ध्व॒म् ।
स॒म्ऽयो॒पय॑न्तः । दुः॒ऽइ॒तानि॑ । विश्वा॑ । हि॒त्वा । नः॒ । ऊर्ज॑म् । प्र । प॒ता॒त् । पति॑ष्ठः ॥
Padapatha Devanagari Nonaccented
ऋचा । कपोतम् । नुदत । प्रऽनोदम् । इषम् । मदन्तः । परि । गाम् । नयध्वम् ।
सम्ऽयोपयन्तः । दुःऽइतानि । विश्वा । हित्वा । नः । ऊर्जम् । प्र । पतात् । पतिष्ठः ॥
Padapatha Transcription Accented
ṛcā́ ǀ kapótam ǀ nudata ǀ pra-nódam ǀ íṣam ǀ mádantaḥ ǀ pári ǀ gā́m ǀ nayadhvam ǀ
sam-yopáyantaḥ ǀ duḥ-itā́ni ǀ víśvā ǀ hitvā́ ǀ naḥ ǀ ū́rjam ǀ prá ǀ patāt ǀ pátiṣṭhaḥ ǁ
Padapatha Transcription Nonaccented
ṛcā ǀ kapotam ǀ nudata ǀ pra-nodam ǀ iṣam ǀ madantaḥ ǀ pari ǀ gām ǀ nayadhvam ǀ
sam-yopayantaḥ ǀ duḥ-itāni ǀ viśvā ǀ hitvā ǀ naḥ ǀ ūrjam ǀ pra ǀ patāt ǀ patiṣṭhaḥ ǁ