|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 166
|
1. Info |
| To: | sapatnaghnam | |
| From: | ṛṣabha vairāja or ṛṣabha śākvara | |
| Metres: | 1st set of styles: anuṣṭup (1, 2); nicṛdanuṣṭup (3, 4); mahāpaṅkti (5) 2nd set of styles: anuṣṭubh (1-4); mahāpaṅkti (5) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.166.01 (Mandala. Sukta. Rik)
8.8.24.01 (Ashtaka. Adhyaya. Varga. Rik)
10.12.074 (Mandala. Anuvāka. Rik)
Samhita Devanagari Accented
ऋ॒ष॒भं मा॑ समा॒नानां॑ स॒पत्ना॑नां विषास॒हिं ।
हं॒तारं॒ शत्रू॑णां कृधि वि॒राजं॒ गोप॑तिं॒ गवां॑ ॥
Samhita Devanagari Nonaccented
ऋषभं मा समानानां सपत्नानां विषासहिं ।
हंतारं शत्रूणां कृधि विराजं गोपतिं गवां ॥
Samhita Transcription Accented
ṛṣabhám mā samānā́nām sapátnānām viṣāsahím ǀ
hantā́ram śátrūṇām kṛdhi virā́jam gópatim gávām ǁ
Samhita Transcription Nonaccented
ṛṣabham mā samānānām sapatnānām viṣāsahim ǀ
hantāram śatrūṇām kṛdhi virājam gopatim gavām ǁ
Padapatha Devanagari Accented
ऋ॒ष॒भम् । मा॒ । स॒मा॒नाना॑म् । स॒ऽपत्ना॑नाम् । वि॒ऽस॒स॒हिम् ।
ह॒न्तार॑म् । शत्रू॑णाम् । कृ॒धि॒ । वि॒ऽराज॑म् । गोऽप॑तिम् । गवा॑म् ॥
Padapatha Devanagari Nonaccented
ऋषभम् । मा । समानानाम् । सऽपत्नानाम् । विऽससहिम् ।
हन्तारम् । शत्रूणाम् । कृधि । विऽराजम् । गोऽपतिम् । गवाम् ॥
Padapatha Transcription Accented
ṛṣabhám ǀ mā ǀ samānā́nām ǀ sa-pátnānām ǀ vi-sasahím ǀ
hantā́ram ǀ śátrūṇām ǀ kṛdhi ǀ vi-rā́jam ǀ gó-patim ǀ gávām ǁ
Padapatha Transcription Nonaccented
ṛṣabham ǀ mā ǀ samānānām ǀ sa-patnānām ǀ vi-sasahim ǀ
hantāram ǀ śatrūṇām ǀ kṛdhi ǀ vi-rājam ǀ go-patim ǀ gavām ǁ
10.166.02 (Mandala. Sukta. Rik)
8.8.24.02 (Ashtaka. Adhyaya. Varga. Rik)
10.12.075 (Mandala. Anuvāka. Rik)
Samhita Devanagari Accented
अ॒हम॑स्मि सपत्न॒हेंद्र॑ इ॒वारि॑ष्टो॒ अक्ष॑तः ।
अ॒धः स॒पत्ना॑ मे प॒दोरि॒मे सर्वे॑ अ॒भिष्ठि॑ताः ॥
Samhita Devanagari Nonaccented
अहमस्मि सपत्नहेंद्र इवारिष्टो अक्षतः ।
अधः सपत्ना मे पदोरिमे सर्वे अभिष्ठिताः ॥
Samhita Transcription Accented
ahámasmi sapatnahéndra ivā́riṣṭo ákṣataḥ ǀ
adháḥ sapátnā me padórimé sárve abhíṣṭhitāḥ ǁ
Samhita Transcription Nonaccented
ahamasmi sapatnahendra ivāriṣṭo akṣataḥ ǀ
adhaḥ sapatnā me padorime sarve abhiṣṭhitāḥ ǁ
Padapatha Devanagari Accented
अ॒हम् । अ॒स्मि॒ । स॒प॒त्न॒ऽहा । इन्द्रः॑ऽइव । अरि॑ष्टः । अक्ष॑तः ।
अ॒धः । स॒ऽपत्नाः॑ । मे॒ । प॒दोः । इ॒मे । सर्वे॑ । अ॒भिऽस्थि॑ताः ॥
Padapatha Devanagari Nonaccented
अहम् । अस्मि । सपत्नऽहा । इन्द्रःऽइव । अरिष्टः । अक्षतः ।
अधः । सऽपत्नाः । मे । पदोः । इमे । सर्वे । अभिऽस्थिताः ॥
Padapatha Transcription Accented
ahám ǀ asmi ǀ sapatna-hā́ ǀ índraḥ-iva ǀ áriṣṭaḥ ǀ ákṣataḥ ǀ
adháḥ ǀ sa-pátnāḥ ǀ me ǀ padóḥ ǀ imé ǀ sárve ǀ abhí-sthitāḥ ǁ
Padapatha Transcription Nonaccented
aham ǀ asmi ǀ sapatna-hā ǀ indraḥ-iva ǀ ariṣṭaḥ ǀ akṣataḥ ǀ
adhaḥ ǀ sa-patnāḥ ǀ me ǀ padoḥ ǀ ime ǀ sarve ǀ abhi-sthitāḥ ǁ
10.166.03 (Mandala. Sukta. Rik)
8.8.24.03 (Ashtaka. Adhyaya. Varga. Rik)
10.12.076 (Mandala. Anuvāka. Rik)
Samhita Devanagari Accented
अत्रै॒व वोऽपि॑ नह्याम्यु॒भे आर्त्नी॑ इव॒ ज्यया॑ ।
वाच॑स्पते॒ नि षे॑धे॒मान्यथा॒ मदध॑रं॒ वदा॑न् ॥
Samhita Devanagari Nonaccented
अत्रैव वोऽपि नह्याम्युभे आर्त्नी इव ज्यया ।
वाचस्पते नि षेधेमान्यथा मदधरं वदान् ॥
Samhita Transcription Accented
átraivá vó’pi nahyāmyubhé ā́rtnī iva jyáyā ǀ
vā́caspate ní ṣedhemā́nyáthā mádádharam vádān ǁ
Samhita Transcription Nonaccented
atraiva vo’pi nahyāmyubhe ārtnī iva jyayā ǀ
vācaspate ni ṣedhemānyathā madadharam vadān ǁ
Padapatha Devanagari Accented
अत्र॑ । ए॒व । वः॒ । अपि॑ । न॒ह्या॒मि॒ । उ॒भे इति॑ । आर्त्नी॑ इ॒वेत्यार्त्नी॑ऽइव । ज्यया॑ ।
वाचः॑ । प॒ते॒ । नि । से॒ध॒ । इ॒मान् । यथा॑ । मत् । अध॑रम् । वदा॑न् ॥
Padapatha Devanagari Nonaccented
अत्र । एव । वः । अपि । नह्यामि । उभे इति । आर्त्नी इवेत्यार्त्नीऽइव । ज्यया ।
वाचः । पते । नि । सेध । इमान् । यथा । मत् । अधरम् । वदान् ॥
Padapatha Transcription Accented
átra ǀ evá ǀ vaḥ ǀ ápi ǀ nahyāmi ǀ ubhé íti ǀ ā́rtnī ivetyā́rtnī-iva ǀ jyáyā ǀ
vā́caḥ ǀ pate ǀ ní ǀ sedha ǀ imā́n ǀ yáthā ǀ mát ǀ ádharam ǀ vádān ǁ
Padapatha Transcription Nonaccented
atra ǀ eva ǀ vaḥ ǀ api ǀ nahyāmi ǀ ubhe iti ǀ ārtnī ivetyārtnī-iva ǀ jyayā ǀ
vācaḥ ǀ pate ǀ ni ǀ sedha ǀ imān ǀ yathā ǀ mat ǀ adharam ǀ vadān ǁ
10.166.04 (Mandala. Sukta. Rik)
8.8.24.04 (Ashtaka. Adhyaya. Varga. Rik)
10.12.077 (Mandala. Anuvāka. Rik)
Samhita Devanagari Accented
अ॒भि॒भूर॒हमाग॑मं वि॒श्वक॑र्मेण॒ धाम्ना॑ ।
आ व॑श्चि॒त्तमा वो॑ व्र॒तमा वो॒ऽहं समि॑तिं ददे ॥
Samhita Devanagari Nonaccented
अभिभूरहमागमं विश्वकर्मेण धाम्ना ।
आ वश्चित्तमा वो व्रतमा वोऽहं समितिं ददे ॥
Samhita Transcription Accented
abhibhū́rahámā́gamam viśvákarmeṇa dhā́mnā ǀ
ā́ vaścittámā́ vo vratámā́ vo’hám sámitim dade ǁ
Samhita Transcription Nonaccented
abhibhūrahamāgamam viśvakarmeṇa dhāmnā ǀ
ā vaścittamā vo vratamā vo’ham samitim dade ǁ
Padapatha Devanagari Accented
अ॒भि॒ऽभूः । अ॒हम् । आ । अ॒ग॒म॒म् । वि॒श्वऽक॑र्मेण । धाम्ना॑ ।
आ । वः॒ । चि॒त्तम् । आ । वः॒ । व्र॒तम् । आ । वः॒ । अ॒हम् । सम्ऽइ॑तिम् । द॒दे॒ ॥
Padapatha Devanagari Nonaccented
अभिऽभूः । अहम् । आ । अगमम् । विश्वऽकर्मेण । धाम्ना ।
आ । वः । चित्तम् । आ । वः । व्रतम् । आ । वः । अहम् । सम्ऽइतिम् । ददे ॥
Padapatha Transcription Accented
abhi-bhū́ḥ ǀ ahám ǀ ā́ ǀ agamam ǀ viśvá-karmeṇa ǀ dhā́mnā ǀ
ā́ ǀ vaḥ ǀ cittám ǀ ā́ ǀ vaḥ ǀ vratám ǀ ā́ ǀ vaḥ ǀ ahám ǀ sám-itim ǀ dade ǁ
Padapatha Transcription Nonaccented
abhi-bhūḥ ǀ aham ǀ ā ǀ agamam ǀ viśva-karmeṇa ǀ dhāmnā ǀ
ā ǀ vaḥ ǀ cittam ǀ ā ǀ vaḥ ǀ vratam ǀ ā ǀ vaḥ ǀ aham ǀ sam-itim ǀ dade ǁ
10.166.05 (Mandala. Sukta. Rik)
8.8.24.05 (Ashtaka. Adhyaya. Varga. Rik)
10.12.078 (Mandala. Anuvāka. Rik)
Samhita Devanagari Accented
यो॒ग॒क्षे॒मं व॑ आ॒दाया॒हं भू॑यासमुत्त॒म आ वो॑ मू॒र्धान॑मक्रमीं ।
अ॒ध॒स्प॒दान्म॒ उद्व॑दत मं॒डूका॑ इवोद॒कान्मं॒डूका॑ उद॒कादि॑व ॥
Samhita Devanagari Nonaccented
योगक्षेमं व आदायाहं भूयासमुत्तम आ वो मूर्धानमक्रमीं ।
अधस्पदान्म उद्वदत मंडूका इवोदकान्मंडूका उदकादिव ॥
Samhita Transcription Accented
yogakṣemám va ādā́yāhám bhūyāsamuttamá ā́ vo mūrdhā́namakramīm ǀ
adhaspadā́nma údvadata maṇḍū́kā ivodakā́nmaṇḍū́kā udakā́diva ǁ
Samhita Transcription Nonaccented
yogakṣemam va ādāyāham bhūyāsamuttama ā vo mūrdhānamakramīm ǀ
adhaspadānma udvadata maṇḍūkā ivodakānmaṇḍūkā udakādiva ǁ
Padapatha Devanagari Accented
यो॒ग॒ऽक्षे॒मम् । वः॒ । आ॒ऽदाय॑ । अ॒हम् । भू॒या॒स॒म् । उ॒त्ऽत॒मः । आ । वः॒ । मू॒र्धान॑म् । अ॒क्र॒मी॒म् ।
अ॒धः॒ऽप॒दात् । मे॒ । उत् । व॒द॒त॒ । म॒ण्डूकाः॑ऽइव । उ॒द॒कात् । म॒ण्डूकाः॑ । उ॒द॒कात्ऽइ॑व ॥
Padapatha Devanagari Nonaccented
योगऽक्षेमम् । वः । आऽदाय । अहम् । भूयासम् । उत्ऽतमः । आ । वः । मूर्धानम् । अक्रमीम् ।
अधःऽपदात् । मे । उत् । वदत । मण्डूकाःऽइव । उदकात् । मण्डूकाः । उदकात्ऽइव ॥
Padapatha Transcription Accented
yoga-kṣemám ǀ vaḥ ǀ ā-dā́ya ǀ ahám ǀ bhūyāsam ǀ ut-tamáḥ ǀ ā́ ǀ vaḥ ǀ mūrdhā́nam ǀ akramīm ǀ
adhaḥ-padā́t ǀ me ǀ út ǀ vadata ǀ maṇḍū́kāḥ-iva ǀ udakā́t ǀ maṇḍū́kāḥ ǀ udakā́t-iva ǁ
Padapatha Transcription Nonaccented
yoga-kṣemam ǀ vaḥ ǀ ā-dāya ǀ aham ǀ bhūyāsam ǀ ut-tamaḥ ǀ ā ǀ vaḥ ǀ mūrdhānam ǀ akramīm ǀ
adhaḥ-padāt ǀ me ǀ ut ǀ vadata ǀ maṇḍūkāḥ-iva ǀ udakāt ǀ maṇḍūkāḥ ǀ udakāt-iva ǁ