|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 168
|
1. Info |
| To: | vāta | |
| From: | anila vātāyana | |
| Metres: | 1st set of styles: nicṛttriṣṭup (1, 3); triṣṭup (2, 4) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.168.01 (Mandala. Sukta. Rik)
8.8.26.01 (Ashtaka. Adhyaya. Varga. Rik)
10.12.083 (Mandala. Anuvāka. Rik)
Samhita Devanagari Accented
वात॑स्य॒ नु म॑हि॒मानं॒ रथ॑स्य रु॒जन्ने॑ति स्त॒नय॑न्नस्य॒ घोषः॑ ।
दि॒वि॒स्पृग्या॑त्यरु॒णानि॑ कृ॒ण्वन्नु॒तो ए॑ति पृथि॒व्या रे॒णुमस्य॑न् ॥
Samhita Devanagari Nonaccented
वातस्य नु महिमानं रथस्य रुजन्नेति स्तनयन्नस्य घोषः ।
दिविस्पृग्यात्यरुणानि कृण्वन्नुतो एति पृथिव्या रेणुमस्यन् ॥
Samhita Transcription Accented
vā́tasya nú mahimā́nam ráthasya rujánneti stanáyannasya ghóṣaḥ ǀ
divispṛ́gyātyaruṇā́ni kṛṇvánnutó eti pṛthivyā́ reṇúmásyan ǁ
Samhita Transcription Nonaccented
vātasya nu mahimānam rathasya rujanneti stanayannasya ghoṣaḥ ǀ
divispṛgyātyaruṇāni kṛṇvannuto eti pṛthivyā reṇumasyan ǁ
Padapatha Devanagari Accented
वात॑स्य । नु । म॒हि॒मान॑म् । रथ॑स्य । रु॒जन् । ए॒ति॒ । स्त॒नय॑न् । अ॒स्य॒ । घोषः॑ ।
दि॒वि॒ऽस्पृक् । या॒ति॒ । अ॒रु॒णानि॑ । कृ॒ण्वन् । उ॒तो इति॑ । ए॒ति॒ । पृ॒थि॒व्या । रे॒णुम् । अस्य॑न् ॥
Padapatha Devanagari Nonaccented
वातस्य । नु । महिमानम् । रथस्य । रुजन् । एति । स्तनयन् । अस्य । घोषः ।
दिविऽस्पृक् । याति । अरुणानि । कृण्वन् । उतो इति । एति । पृथिव्या । रेणुम् । अस्यन् ॥
Padapatha Transcription Accented
vā́tasya ǀ nú ǀ mahimā́nam ǀ ráthasya ǀ ruján ǀ eti ǀ stanáyan ǀ asya ǀ ghóṣaḥ ǀ
divi-spṛ́k ǀ yāti ǀ aruṇā́ni ǀ kṛṇván ǀ utó íti ǀ eti ǀ pṛthivyā́ ǀ reṇúm ǀ ásyan ǁ
Padapatha Transcription Nonaccented
vātasya ǀ nu ǀ mahimānam ǀ rathasya ǀ rujan ǀ eti ǀ stanayan ǀ asya ǀ ghoṣaḥ ǀ
divi-spṛk ǀ yāti ǀ aruṇāni ǀ kṛṇvan ǀ uto iti ǀ eti ǀ pṛthivyā ǀ reṇum ǀ asyan ǁ
10.168.02 (Mandala. Sukta. Rik)
8.8.26.02 (Ashtaka. Adhyaya. Varga. Rik)
10.12.084 (Mandala. Anuvāka. Rik)
Samhita Devanagari Accented
सं प्रेर॑ते॒ अनु॒ वात॑स्य वि॒ष्ठा ऐनं॑ गच्छंति॒ सम॑नं॒ न योषाः॑ ।
ताभिः॑ स॒युक्स॒रथं॑ दे॒व ई॑यते॒ऽस्य विश्व॑स्य॒ भुव॑नस्य॒ राजा॑ ॥
Samhita Devanagari Nonaccented
सं प्रेरते अनु वातस्य विष्ठा ऐनं गच्छंति समनं न योषाः ।
ताभिः सयुक्सरथं देव ईयतेऽस्य विश्वस्य भुवनस्य राजा ॥
Samhita Transcription Accented
sám prérate ánu vā́tasya viṣṭhā́ áinam gacchanti sámanam ná yóṣāḥ ǀ
tā́bhiḥ sayúksarátham devá īyate’syá víśvasya bhúvanasya rā́jā ǁ
Samhita Transcription Nonaccented
sam prerate anu vātasya viṣṭhā ainam gacchanti samanam na yoṣāḥ ǀ
tābhiḥ sayuksaratham deva īyate’sya viśvasya bhuvanasya rājā ǁ
Padapatha Devanagari Accented
सम् । प्र । ई॒र॒ते॒ । अनु॑ । वात॑स्य । वि॒ऽस्थाः । आ । ए॒न॒म् । ग॒च्छ॒न्ति॒ । सम॑नम् । न । योषाः॑ ।
ताभिः॑ । स॒ऽयुक् । स॒ऽरथ॑म् । दे॒वः । ई॒य॒ते॒ । अ॒स्य । विश्व॑स्य । भुव॑नस्य । राजा॑ ॥
Padapatha Devanagari Nonaccented
सम् । प्र । ईरते । अनु । वातस्य । विऽस्थाः । आ । एनम् । गच्छन्ति । समनम् । न । योषाः ।
ताभिः । सऽयुक् । सऽरथम् । देवः । ईयते । अस्य । विश्वस्य । भुवनस्य । राजा ॥
Padapatha Transcription Accented
sám ǀ prá ǀ īrate ǀ ánu ǀ vā́tasya ǀ vi-sthā́ḥ ǀ ā́ ǀ enam ǀ gacchanti ǀ sámanam ǀ ná ǀ yóṣāḥ ǀ
tā́bhiḥ ǀ sa-yúk ǀ sa-rátham ǀ deváḥ ǀ īyate ǀ asyá ǀ víśvasya ǀ bhúvanasya ǀ rā́jā ǁ
Padapatha Transcription Nonaccented
sam ǀ pra ǀ īrate ǀ anu ǀ vātasya ǀ vi-sthāḥ ǀ ā ǀ enam ǀ gacchanti ǀ samanam ǀ na ǀ yoṣāḥ ǀ
tābhiḥ ǀ sa-yuk ǀ sa-ratham ǀ devaḥ ǀ īyate ǀ asya ǀ viśvasya ǀ bhuvanasya ǀ rājā ǁ
10.168.03 (Mandala. Sukta. Rik)
8.8.26.03 (Ashtaka. Adhyaya. Varga. Rik)
10.12.085 (Mandala. Anuvāka. Rik)
Samhita Devanagari Accented
अं॒तरि॑क्षे प॒थिभि॒रीय॑मानो॒ न नि वि॑शते कत॒मच्च॒नाहः॑ ।
अ॒पां सखा॑ प्रथम॒जा ऋ॒तावा॒ क्व॑ स्विज्जा॒तः कुत॒ आ ब॑भूव ॥
Samhita Devanagari Nonaccented
अंतरिक्षे पथिभिरीयमानो न नि विशते कतमच्चनाहः ।
अपां सखा प्रथमजा ऋतावा क्व स्विज्जातः कुत आ बभूव ॥
Samhita Transcription Accented
antárikṣe pathíbhirī́yamāno ná ní viśate katamáccanā́haḥ ǀ
apā́m sákhā prathamajā́ ṛtā́vā kvá svijjātáḥ kúta ā́ babhūva ǁ
Samhita Transcription Nonaccented
antarikṣe pathibhirīyamāno na ni viśate katamaccanāhaḥ ǀ
apām sakhā prathamajā ṛtāvā kva svijjātaḥ kuta ā babhūva ǁ
Padapatha Devanagari Accented
अ॒न्तरि॑क्षे । प॒थिऽभिः॑ । ईय॑मानः । न । नि । वि॒श॒ते॒ । क॒त॒मत् । च॒न । अह॒रिति॑ ।
अ॒पाम् । सखा॑ । प्र॒थ॒म॒ऽजाः । ऋ॒तऽवा॑ । क्व॑ । स्वि॒त् । जा॒तः । कुतः॑ । आ । ब॒भू॒व॒ ॥
Padapatha Devanagari Nonaccented
अन्तरिक्षे । पथिऽभिः । ईयमानः । न । नि । विशते । कतमत् । चन । अहरिति ।
अपाम् । सखा । प्रथमऽजाः । ऋतऽवा । क्व । स्वित् । जातः । कुतः । आ । बभूव ॥
Padapatha Transcription Accented
antárikṣe ǀ pathí-bhiḥ ǀ ī́yamānaḥ ǀ ná ǀ ní ǀ viśate ǀ katamát ǀ caná ǀ áharíti ǀ
apā́m ǀ sákhā ǀ prathama-jā́ḥ ǀ ṛtá-vā ǀ kvá ǀ svit ǀ jātáḥ ǀ kútaḥ ǀ ā́ ǀ babhūva ǁ
Padapatha Transcription Nonaccented
antarikṣe ǀ pathi-bhiḥ ǀ īyamānaḥ ǀ na ǀ ni ǀ viśate ǀ katamat ǀ cana ǀ ahariti ǀ
apām ǀ sakhā ǀ prathama-jāḥ ǀ ṛta-vā ǀ kva ǀ svit ǀ jātaḥ ǀ kutaḥ ǀ ā ǀ babhūva ǁ
10.168.04 (Mandala. Sukta. Rik)
8.8.26.04 (Ashtaka. Adhyaya. Varga. Rik)
10.12.086 (Mandala. Anuvāka. Rik)
Samhita Devanagari Accented
आ॒त्मा दे॒वानां॒ भुव॑नस्य॒ गर्भो॑ यथाव॒शं च॑रति दे॒व ए॒षः ।
घोषा॒ इद॑स्य शृण्विरे॒ न रू॒पं तस्मै॒ वाता॑य ह॒विषा॑ विधेम ॥
Samhita Devanagari Nonaccented
आत्मा देवानां भुवनस्य गर्भो यथावशं चरति देव एषः ।
घोषा इदस्य शृण्विरे न रूपं तस्मै वाताय हविषा विधेम ॥
Samhita Transcription Accented
ātmā́ devā́nām bhúvanasya gárbho yathāvaśám carati devá eṣáḥ ǀ
ghóṣā ídasya śṛṇvire ná rūpám tásmai vā́tāya havíṣā vidhema ǁ
Samhita Transcription Nonaccented
ātmā devānām bhuvanasya garbho yathāvaśam carati deva eṣaḥ ǀ
ghoṣā idasya śṛṇvire na rūpam tasmai vātāya haviṣā vidhema ǁ
Padapatha Devanagari Accented
आ॒त्मा । दे॒वाना॑म् । भुव॑नस्य । गर्भः॑ । य॒था॒ऽव॒शम् । च॒र॒ति॒ । दे॒वः । ए॒षः ।
घोषाः॑ । इत् । अ॒स्य॒ । शृ॒ण्वि॒रे॒ । न । रू॒पम् । तस्मै॑ । वाता॑य । ह॒विषा॑ । वि॒धे॒म॒ ॥
Padapatha Devanagari Nonaccented
आत्मा । देवानाम् । भुवनस्य । गर्भः । यथाऽवशम् । चरति । देवः । एषः ।
घोषाः । इत् । अस्य । शृण्विरे । न । रूपम् । तस्मै । वाताय । हविषा । विधेम ॥
Padapatha Transcription Accented
ātmā́ ǀ devā́nām ǀ bhúvanasya ǀ gárbhaḥ ǀ yathā-vaśám ǀ carati ǀ deváḥ ǀ eṣáḥ ǀ
ghóṣāḥ ǀ ít ǀ asya ǀ śṛṇvire ǀ ná ǀ rūpám ǀ tásmai ǀ vā́tāya ǀ havíṣā ǀ vidhema ǁ
Padapatha Transcription Nonaccented
ātmā ǀ devānām ǀ bhuvanasya ǀ garbhaḥ ǀ yathā-vaśam ǀ carati ǀ devaḥ ǀ eṣaḥ ǀ
ghoṣāḥ ǀ it ǀ asya ǀ śṛṇvire ǀ na ǀ rūpam ǀ tasmai ǀ vātāya ǀ haviṣā ǀ vidhema ǁ