|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 177
|
1. Info |
| To: | māyābhedaḥ | |
| From: | pataṅga prājāpatya | |
| Metres: | 1st set of styles: jagatī (1); virāṭtrisṭup (2); nicṛttriṣṭup (3) 2nd set of styles: triṣṭubh (2, 3); jagatī (1) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.177.01 (Mandala. Sukta. Rik)
8.8.35.01 (Ashtaka. Adhyaya. Varga. Rik)
10.12.122 (Mandala. Anuvāka. Rik)
Samhita Devanagari Accented
प॒तं॒गम॒क्तमसु॑रस्य मा॒यया॑ हृ॒दा प॑श्यंति॒ मन॑सा विप॒श्चितः॑ ।
स॒मु॒द्रे अं॒तः क॒वयो॒ वि च॑क्षते॒ मरी॑चीनां प॒दमि॑च्छंति वे॒धसः॑ ॥
Samhita Devanagari Nonaccented
पतंगमक्तमसुरस्य मायया हृदा पश्यंति मनसा विपश्चितः ।
समुद्रे अंतः कवयो वि चक्षते मरीचीनां पदमिच्छंति वेधसः ॥
Samhita Transcription Accented
pataṃgámaktámásurasya māyáyā hṛdā́ paśyanti mánasā vipaścítaḥ ǀ
samudré antáḥ kaváyo ví cakṣate márīcīnām padámicchanti vedhásaḥ ǁ
Samhita Transcription Nonaccented
pataṃgamaktamasurasya māyayā hṛdā paśyanti manasā vipaścitaḥ ǀ
samudre antaḥ kavayo vi cakṣate marīcīnām padamicchanti vedhasaḥ ǁ
Padapatha Devanagari Accented
प॒त॒ङ्गम् । अ॒क्तम् । असु॑रस्य । मा॒यया॑ । हृ॒दा । प॒श्य॒न्ति॒ । मन॑सा । वि॒पः॒ऽचितः॑ ।
स॒मु॒द्रे । अ॒न्तरिति॑ । क॒वयः॑ । वि । च॒क्ष॒ते॒ । मरी॑चीनाम् । प॒दम् । इ॒च्छ॒न्ति॒ । वे॒धसः॑ ॥
Padapatha Devanagari Nonaccented
पतङ्गम् । अक्तम् । असुरस्य । मायया । हृदा । पश्यन्ति । मनसा । विपःऽचितः ।
समुद्रे । अन्तरिति । कवयः । वि । चक्षते । मरीचीनाम् । पदम् । इच्छन्ति । वेधसः ॥
Padapatha Transcription Accented
pataṅgám ǀ aktám ǀ ásurasya ǀ māyáyā ǀ hṛdā́ ǀ paśyanti ǀ mánasā ǀ vipaḥ-cítaḥ ǀ
samudré ǀ antáríti ǀ kaváyaḥ ǀ ví ǀ cakṣate ǀ márīcīnām ǀ padám ǀ icchanti ǀ vedhásaḥ ǁ
Padapatha Transcription Nonaccented
pataṅgam ǀ aktam ǀ asurasya ǀ māyayā ǀ hṛdā ǀ paśyanti ǀ manasā ǀ vipaḥ-citaḥ ǀ
samudre ǀ antariti ǀ kavayaḥ ǀ vi ǀ cakṣate ǀ marīcīnām ǀ padam ǀ icchanti ǀ vedhasaḥ ǁ
10.177.02 (Mandala. Sukta. Rik)
8.8.35.02 (Ashtaka. Adhyaya. Varga. Rik)
10.12.123 (Mandala. Anuvāka. Rik)
Samhita Devanagari Accented
प॒तं॒गो वाचं॒ मन॑सा बिभर्ति॒ तां गं॑ध॒र्वो॑ऽवद॒द्गर्भे॑ अं॒तः ।
तां द्योत॑मानां स्व॒र्यं॑ मनी॒षामृ॒तस्य॑ प॒दे क॒वयो॒ नि पां॑ति ॥
Samhita Devanagari Nonaccented
पतंगो वाचं मनसा बिभर्ति तां गंधर्वोऽवदद्गर्भे अंतः ।
तां द्योतमानां स्वर्यं मनीषामृतस्य पदे कवयो नि पांति ॥
Samhita Transcription Accented
pataṃgó vā́cam mánasā bibharti tā́m gandharvó’vadadgárbhe antáḥ ǀ
tā́m dyótamānām svaryám manīṣā́mṛtásya padé kaváyo ní pānti ǁ
Samhita Transcription Nonaccented
pataṃgo vācam manasā bibharti tām gandharvo’vadadgarbhe antaḥ ǀ
tām dyotamānām svaryam manīṣāmṛtasya pade kavayo ni pānti ǁ
Padapatha Devanagari Accented
प॒त॒ङ्गः । वाच॑म् । मन॑सा । बि॒भ॒र्ति॒ । तान् । ग॒न्ध॒र्वः । अ॒व॒द॒त् । गर्भे॑ । अ॒न्तरिति॑ ।
ताम् । द्योत॑मानाम् । स्व॒र्य॑म् । म॒नी॒षाम् । ऋ॒तस्य॑ । प॒दे । क॒वयः॑ । नि । पा॒न्ति॒ ॥
Padapatha Devanagari Nonaccented
पतङ्गः । वाचम् । मनसा । बिभर्ति । तान् । गन्धर्वः । अवदत् । गर्भे । अन्तरिति ।
ताम् । द्योतमानाम् । स्वर्यम् । मनीषाम् । ऋतस्य । पदे । कवयः । नि । पान्ति ॥
Padapatha Transcription Accented
pataṅgáḥ ǀ vā́cam ǀ mánasā ǀ bibharti ǀ tā́n ǀ gandharváḥ ǀ avadat ǀ gárbhe ǀ antáríti ǀ
tā́m ǀ dyótamānām ǀ svaryám ǀ manīṣā́m ǀ ṛtásya ǀ padé ǀ kaváyaḥ ǀ ní ǀ pānti ǁ
Padapatha Transcription Nonaccented
pataṅgaḥ ǀ vācam ǀ manasā ǀ bibharti ǀ tān ǀ gandharvaḥ ǀ avadat ǀ garbhe ǀ antariti ǀ
tām ǀ dyotamānām ǀ svaryam ǀ manīṣām ǀ ṛtasya ǀ pade ǀ kavayaḥ ǀ ni ǀ pānti ǁ
10.177.03 (Mandala. Sukta. Rik)
8.8.35.03 (Ashtaka. Adhyaya. Varga. Rik)
10.12.124 (Mandala. Anuvāka. Rik)
Samhita Devanagari Accented
अप॑श्यं गो॒पामनि॑पद्यमान॒मा च॒ परा॑ च प॒थिभि॒श्चरं॑तं ।
स स॒ध्रीचीः॒ स विषू॑ची॒र्वसा॑न॒ आ व॑रीवर्ति॒ भुव॑नेष्वं॒तः ॥
Samhita Devanagari Nonaccented
अपश्यं गोपामनिपद्यमानमा च परा च पथिभिश्चरंतं ।
स सध्रीचीः स विषूचीर्वसान आ वरीवर्ति भुवनेष्वंतः ॥
Samhita Transcription Accented
ápaśyam gopā́mánipadyamānamā́ ca párā ca pathíbhiścárantam ǀ
sá sadhrī́cīḥ sá víṣūcīrvásāna ā́ varīvarti bhúvaneṣvantáḥ ǁ
Samhita Transcription Nonaccented
apaśyam gopāmanipadyamānamā ca parā ca pathibhiścarantam ǀ
sa sadhrīcīḥ sa viṣūcīrvasāna ā varīvarti bhuvaneṣvantaḥ ǁ
Padapatha Devanagari Accented
अप॑श्यम् । गो॒पाम् । अनि॑ऽपद्यमानम् । आ । च॒ । परा॑ । च॒ । प॒थिऽभिः॑ । चर॑न्तम् ।
सः । स॒ध्रीचीः॑ । सः । विषू॑चीः । वसा॑नः । आ । व॒री॒व॒र्ति॒ । भुव॑नेषु । अ॒न्तरिति॑ ॥
Padapatha Devanagari Nonaccented
अपश्यम् । गोपाम् । अनिऽपद्यमानम् । आ । च । परा । च । पथिऽभिः । चरन्तम् ।
सः । सध्रीचीः । सः । विषूचीः । वसानः । आ । वरीवर्ति । भुवनेषु । अन्तरिति ॥
Padapatha Transcription Accented
ápaśyam ǀ gopā́m ǀ áni-padyamānam ǀ ā́ ǀ ca ǀ párā ǀ ca ǀ pathí-bhiḥ ǀ cárantam ǀ
sáḥ ǀ sadhrī́cīḥ ǀ sáḥ ǀ víṣūcīḥ ǀ vásānaḥ ǀ ā́ ǀ varīvarti ǀ bhúvaneṣu ǀ antáríti ǁ
Padapatha Transcription Nonaccented
apaśyam ǀ gopām ǀ ani-padyamānam ǀ ā ǀ ca ǀ parā ǀ ca ǀ pathi-bhiḥ ǀ carantam ǀ
saḥ ǀ sadhrīcīḥ ǀ saḥ ǀ viṣūcīḥ ǀ vasānaḥ ǀ ā ǀ varīvarti ǀ bhuvaneṣu ǀ antariti ǁ