|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 178
|
1. Info |
| To: | tārkṣya | |
| From: | ariṣṭanemi tārkṣya | |
| Metres: | 1st set of styles: virāṭtrisṭup (1); nicṛttriṣṭup (2); triṣṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.178.01 (Mandala. Sukta. Rik)
8.8.36.01 (Ashtaka. Adhyaya. Varga. Rik)
10.12.125 (Mandala. Anuvāka. Rik)
Samhita Devanagari Accented
त्यमू॒ षु वा॒जिनं॑ दे॒वजू॑तं स॒हावा॑नं तरु॒तारं॒ रथा॑नां ।
अरि॑ष्टनेमिं पृत॒नाज॑मा॒शुं स्व॒स्तये॒ तार्क्ष्य॑मि॒हा हु॑वेम ॥
Samhita Devanagari Nonaccented
त्यमू षु वाजिनं देवजूतं सहावानं तरुतारं रथानां ।
अरिष्टनेमिं पृतनाजमाशुं स्वस्तये तार्क्ष्यमिहा हुवेम ॥
Samhita Transcription Accented
tyámū ṣú vājínam devájūtam sahā́vānam tarutā́ram ráthānām ǀ
áriṣṭanemim pṛtanā́jamāśúm svastáye tā́rkṣyamihā́ huvema ǁ
Samhita Transcription Nonaccented
tyamū ṣu vājinam devajūtam sahāvānam tarutāram rathānām ǀ
ariṣṭanemim pṛtanājamāśum svastaye tārkṣyamihā huvema ǁ
Padapatha Devanagari Accented
त्यम् । ऊं॒ इति॑ । सु । वा॒जिन॑म् । दे॒वऽजू॑तम् । स॒हऽवा॑नम् । त॒रु॒तार॑म् । रथा॑नाम् ।
अरि॑ष्टऽनेमिम् । पृ॒त॒नाज॑म् । आ॒शुम् । स्व॒स्तये॑ । तार्क्ष्य॑म् । इ॒ह । हु॒वे॒म॒ ॥
Padapatha Devanagari Nonaccented
त्यम् । ऊं इति । सु । वाजिनम् । देवऽजूतम् । सहऽवानम् । तरुतारम् । रथानाम् ।
अरिष्टऽनेमिम् । पृतनाजम् । आशुम् । स्वस्तये । तार्क्ष्यम् । इह । हुवेम ॥
Padapatha Transcription Accented
tyám ǀ ūṃ íti ǀ sú ǀ vājínam ǀ devá-jūtam ǀ sahá-vānam ǀ tarutā́ram ǀ ráthānām ǀ
áriṣṭa-nemim ǀ pṛtanā́jam ǀ āśúm ǀ svastáye ǀ tā́rkṣyam ǀ ihá ǀ huvema ǁ
Padapatha Transcription Nonaccented
tyam ǀ ūṃ iti ǀ su ǀ vājinam ǀ deva-jūtam ǀ saha-vānam ǀ tarutāram ǀ rathānām ǀ
ariṣṭa-nemim ǀ pṛtanājam ǀ āśum ǀ svastaye ǀ tārkṣyam ǀ iha ǀ huvema ǁ
10.178.02 (Mandala. Sukta. Rik)
8.8.36.02 (Ashtaka. Adhyaya. Varga. Rik)
10.12.126 (Mandala. Anuvāka. Rik)
Samhita Devanagari Accented
इंद्र॑स्येव रा॒तिमा॒जोहु॑वानाः स्व॒स्तये॒ नाव॑मि॒वा रु॑हेम ।
उर्वी॒ न पृथ्वी॒ बहु॑ले॒ गभी॑रे॒ मा वा॒मेतौ॒ मा परे॑तौ रिषाम ॥
Samhita Devanagari Nonaccented
इंद्रस्येव रातिमाजोहुवानाः स्वस्तये नावमिवा रुहेम ।
उर्वी न पृथ्वी बहुले गभीरे मा वामेतौ मा परेतौ रिषाम ॥
Samhita Transcription Accented
índrasyeva rātímājóhuvānāḥ svastáye nā́vamivā́ ruhema ǀ
úrvī ná pṛ́thvī báhule gábhīre mā́ vāmétau mā́ páretau riṣāma ǁ
Samhita Transcription Nonaccented
indrasyeva rātimājohuvānāḥ svastaye nāvamivā ruhema ǀ
urvī na pṛthvī bahule gabhīre mā vāmetau mā paretau riṣāma ǁ
Padapatha Devanagari Accented
इन्द्र॑स्यऽइव । रा॒तिम् । आ॒ऽजोहु॑वानाः । स्व॒स्तये॑ । नाव॑म्ऽइव । आ । रु॒हे॒म॒ ।
उर्वी॒ इति॑ । न । पृथ्वी॒ इति॑ । बहु॑ले॒ इति॑ । गभी॑रे॒ इति॑ । मा । वा॒म् । आऽइ॑तौ । मा । परा॑ऽइतौ । रि॒षा॒म॒ ॥
Padapatha Devanagari Nonaccented
इन्द्रस्यऽइव । रातिम् । आऽजोहुवानाः । स्वस्तये । नावम्ऽइव । आ । रुहेम ।
उर्वी इति । न । पृथ्वी इति । बहुले इति । गभीरे इति । मा । वाम् । आऽइतौ । मा । पराऽइतौ । रिषाम ॥
Padapatha Transcription Accented
índrasya-iva ǀ rātím ǀ ā-jóhuvānāḥ ǀ svastáye ǀ nā́vam-iva ǀ ā́ ǀ ruhema ǀ
úrvī íti ǀ ná ǀ pṛ́thvī íti ǀ báhule íti ǀ gábhīre íti ǀ mā́ ǀ vām ǀ ā́-itau ǀ mā́ ǀ párā-itau ǀ riṣāma ǁ
Padapatha Transcription Nonaccented
indrasya-iva ǀ rātim ǀ ā-johuvānāḥ ǀ svastaye ǀ nāvam-iva ǀ ā ǀ ruhema ǀ
urvī iti ǀ na ǀ pṛthvī iti ǀ bahule iti ǀ gabhīre iti ǀ mā ǀ vām ǀ ā-itau ǀ mā ǀ parā-itau ǀ riṣāma ǁ
10.178.03 (Mandala. Sukta. Rik)
8.8.36.03 (Ashtaka. Adhyaya. Varga. Rik)
10.12.127 (Mandala. Anuvāka. Rik)
Samhita Devanagari Accented
स॒द्यश्चि॒द्यः शव॑सा॒ पंच॑ कृ॒ष्टीः सूर्य॑ इव॒ ज्योति॑षा॒पस्त॒तान॑ ।
स॒ह॒स्र॒साः श॑त॒सा अ॑स्य॒ रंहि॒र्न स्मा॑ वरंते युव॒तिं न शर्यां॑ ॥
Samhita Devanagari Nonaccented
सद्यश्चिद्यः शवसा पंच कृष्टीः सूर्य इव ज्योतिषापस्ततान ।
सहस्रसाः शतसा अस्य रंहिर्न स्मा वरंते युवतिं न शर्यां ॥
Samhita Transcription Accented
sadyáścidyáḥ śávasā páñca kṛṣṭī́ḥ sū́rya iva jyótiṣāpástatā́na ǀ
sahasrasā́ḥ śatasā́ asya ráṃhirná smā varante yuvatím ná śáryām ǁ
Samhita Transcription Nonaccented
sadyaścidyaḥ śavasā pañca kṛṣṭīḥ sūrya iva jyotiṣāpastatāna ǀ
sahasrasāḥ śatasā asya raṃhirna smā varante yuvatim na śaryām ǁ
Padapatha Devanagari Accented
स॒द्यः । चि॒त् । यः । शव॑सा । पञ्च॑ । कृ॒ष्टीः । सूर्यः॑ऽइव । ज्योति॑षा । अ॒पः । त॒तान॑ ।
स॒ह॒स्र॒ऽसाः । श॒त॒ऽसाः । अ॒स्य॒ । रंहिः॑ । न । स्म॒ । व॒र॒न्ते॒ । यु॒व॒तिम् । न । शर्या॑म् ॥
Padapatha Devanagari Nonaccented
सद्यः । चित् । यः । शवसा । पञ्च । कृष्टीः । सूर्यःऽइव । ज्योतिषा । अपः । ततान ।
सहस्रऽसाः । शतऽसाः । अस्य । रंहिः । न । स्म । वरन्ते । युवतिम् । न । शर्याम् ॥
Padapatha Transcription Accented
sadyáḥ ǀ cit ǀ yáḥ ǀ śávasā ǀ páñca ǀ kṛṣṭī́ḥ ǀ sū́ryaḥ-iva ǀ jyótiṣā ǀ apáḥ ǀ tatā́na ǀ
sahasra-sā́ḥ ǀ śata-sā́ḥ ǀ asya ǀ ráṃhiḥ ǀ ná ǀ sma ǀ varante ǀ yuvatím ǀ ná ǀ śáryām ǁ
Padapatha Transcription Nonaccented
sadyaḥ ǀ cit ǀ yaḥ ǀ śavasā ǀ pañca ǀ kṛṣṭīḥ ǀ sūryaḥ-iva ǀ jyotiṣā ǀ apaḥ ǀ tatāna ǀ
sahasra-sāḥ ǀ śata-sāḥ ǀ asya ǀ raṃhiḥ ǀ na ǀ sma ǀ varante ǀ yuvatim ǀ na ǀ śaryām ǁ