|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 179
|
1. Info |
| To: | indra | |
| From: | 1: śibi auśīnara; 2: pratardana daivodāsi; 3: vasumanas rauhidaśva |
|
| Metres: | 1st set of styles: nicṛdanuṣṭup (1); nicṛttriṣṭup (2); triṣṭup (3) 2nd set of styles: triṣṭubh (2, 3); anuṣṭubh (1) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.179.01 (Mandala. Sukta. Rik)
8.8.37.01 (Ashtaka. Adhyaya. Varga. Rik)
10.12.128 (Mandala. Anuvāka. Rik)
Samhita Devanagari Accented
उत्ति॑ष्ठ॒ताव॑ पश्य॒तेंद्र॑स्य भा॒गमृ॒त्वियं॑ ।
यदि॑ श्रा॒तो जु॒होत॑न॒ यद्यश्रा॑तो मम॒त्तन॑ ॥
Samhita Devanagari Nonaccented
उत्तिष्ठताव पश्यतेंद्रस्य भागमृत्वियं ।
यदि श्रातो जुहोतन यद्यश्रातो ममत्तन ॥
Samhita Transcription Accented
úttiṣṭhatā́va paśyaténdrasya bhāgámṛtvíyam ǀ
yádi śrātó juhótana yádyáśrāto mamattána ǁ
Samhita Transcription Nonaccented
uttiṣṭhatāva paśyatendrasya bhāgamṛtviyam ǀ
yadi śrāto juhotana yadyaśrāto mamattana ǁ
Padapatha Devanagari Accented
उत् । ति॒ष्ठ॒त॒ । अव॑ । प॒श्य॒त॒ । इन्द्र॑स्य । भा॒गम् । ऋ॒त्विय॑म् ।
यदि॑ । श्रा॒तः । जु॒होत॑न । यदि॑ । अश्रा॑तः । म॒म॒त्तन॑ ॥
Padapatha Devanagari Nonaccented
उत् । तिष्ठत । अव । पश्यत । इन्द्रस्य । भागम् । ऋत्वियम् ।
यदि । श्रातः । जुहोतन । यदि । अश्रातः । ममत्तन ॥
Padapatha Transcription Accented
út ǀ tiṣṭhata ǀ áva ǀ paśyata ǀ índrasya ǀ bhāgám ǀ ṛtvíyam ǀ
yádi ǀ śrātáḥ ǀ juhótana ǀ yádi ǀ áśrātaḥ ǀ mamattána ǁ
Padapatha Transcription Nonaccented
ut ǀ tiṣṭhata ǀ ava ǀ paśyata ǀ indrasya ǀ bhāgam ǀ ṛtviyam ǀ
yadi ǀ śrātaḥ ǀ juhotana ǀ yadi ǀ aśrātaḥ ǀ mamattana ǁ
10.179.02 (Mandala. Sukta. Rik)
8.8.37.02 (Ashtaka. Adhyaya. Varga. Rik)
10.12.129 (Mandala. Anuvāka. Rik)
Samhita Devanagari Accented
श्रा॒तं ह॒विरो ष्विं॑द्र॒ प्र या॑हि ज॒गाम॒ सूरो॒ अध्व॑नो॒ विम॑ध्यं ।
परि॑ त्वासते नि॒धिभिः॒ सखा॑यः कुल॒पा न व्रा॒जप॑तिं॒ चरं॑तं ॥
Samhita Devanagari Nonaccented
श्रातं हविरो ष्विंद्र प्र याहि जगाम सूरो अध्वनो विमध्यं ।
परि त्वासते निधिभिः सखायः कुलपा न व्राजपतिं चरंतं ॥
Samhita Transcription Accented
śrātám havíró ṣvíndra prá yāhi jagā́ma sū́ro ádhvano vímadhyam ǀ
pári tvāsate nidhíbhiḥ sákhāyaḥ kulapā́ ná vrājápatim cárantam ǁ
Samhita Transcription Nonaccented
śrātam haviro ṣvindra pra yāhi jagāma sūro adhvano vimadhyam ǀ
pari tvāsate nidhibhiḥ sakhāyaḥ kulapā na vrājapatim carantam ǁ
Padapatha Devanagari Accented
श्रा॒तम् । ह॒विः । ओ इति॑ । सु । इ॒न्द्र॒ । प्र । या॒हि॒ । ज॒गाम॑ । सूरः॑ । अध्व॑नः । विऽम॑ध्यम् ।
परि॑ । त्वा॒ । आ॒स॒ते॒ । नि॒धिऽभिः॑ । सखा॑यः । कु॒ल॒ऽपाः । न । व्रा॒जऽप॑तिम् । चर॑न्तम् ॥
Padapatha Devanagari Nonaccented
श्रातम् । हविः । ओ इति । सु । इन्द्र । प्र । याहि । जगाम । सूरः । अध्वनः । विऽमध्यम् ।
परि । त्वा । आसते । निधिऽभिः । सखायः । कुलऽपाः । न । व्राजऽपतिम् । चरन्तम् ॥
Padapatha Transcription Accented
śrātám ǀ havíḥ ǀ ó íti ǀ sú ǀ indra ǀ prá ǀ yāhi ǀ jagā́ma ǀ sū́raḥ ǀ ádhvanaḥ ǀ ví-madhyam ǀ
pári ǀ tvā ǀ āsate ǀ nidhí-bhiḥ ǀ sákhāyaḥ ǀ kula-pā́ḥ ǀ ná ǀ vrājá-patim ǀ cárantam ǁ
Padapatha Transcription Nonaccented
śrātam ǀ haviḥ ǀ o iti ǀ su ǀ indra ǀ pra ǀ yāhi ǀ jagāma ǀ sūraḥ ǀ adhvanaḥ ǀ vi-madhyam ǀ
pari ǀ tvā ǀ āsate ǀ nidhi-bhiḥ ǀ sakhāyaḥ ǀ kula-pāḥ ǀ na ǀ vrāja-patim ǀ carantam ǁ
10.179.03 (Mandala. Sukta. Rik)
8.8.37.03 (Ashtaka. Adhyaya. Varga. Rik)
10.12.130 (Mandala. Anuvāka. Rik)
Samhita Devanagari Accented
श्रा॒तं म॑न्य॒ ऊध॑नि श्रा॒तम॒ग्नौ सुश्रा॑तं मन्ये॒ तदृ॒तं नवी॑यः ।
माध्यं॑दिनस्य॒ सव॑नस्य द॒ध्नः पिबें॑द्र वज्रिन्पुरुकृज्जुषा॒णः ॥
Samhita Devanagari Nonaccented
श्रातं मन्य ऊधनि श्रातमग्नौ सुश्रातं मन्ये तदृतं नवीयः ।
माध्यंदिनस्य सवनस्य दध्नः पिबेंद्र वज्रिन्पुरुकृज्जुषाणः ॥
Samhita Transcription Accented
śrātám manya ū́dhani śrātámagnáu súśrātam manye tádṛtám návīyaḥ ǀ
mā́dhyaṃdinasya sávanasya dadhnáḥ píbendra vajrinpurukṛjjuṣāṇáḥ ǁ
Samhita Transcription Nonaccented
śrātam manya ūdhani śrātamagnau suśrātam manye tadṛtam navīyaḥ ǀ
mādhyaṃdinasya savanasya dadhnaḥ pibendra vajrinpurukṛjjuṣāṇaḥ ǁ
Padapatha Devanagari Accented
श्रा॒तम् । म॒न्ये॒ । ऊध॑नि । श्रा॒तम् । अ॒ग्नौ । सुऽश्रा॑तम् । म॒न्ये॒ । तत् । ऋ॒तम् । नवी॑यः ।
माध्य॑न्दिनस्य । सव॑नस्य । द॒ध्नः । पिब॑ । इ॒न्द्र॒ । व॒ज्रि॒न् । पु॒रु॒ऽकृ॒त् । जु॒षा॒णः ॥
Padapatha Devanagari Nonaccented
श्रातम् । मन्ये । ऊधनि । श्रातम् । अग्नौ । सुऽश्रातम् । मन्ये । तत् । ऋतम् । नवीयः ।
माध्यन्दिनस्य । सवनस्य । दध्नः । पिब । इन्द्र । वज्रिन् । पुरुऽकृत् । जुषाणः ॥
Padapatha Transcription Accented
śrātám ǀ manye ǀ ū́dhani ǀ śrātám ǀ agnáu ǀ sú-śrātam ǀ manye ǀ tát ǀ ṛtám ǀ návīyaḥ ǀ
mā́dhyandinasya ǀ sávanasya ǀ dadhnáḥ ǀ píba ǀ indra ǀ vajrin ǀ puru-kṛt ǀ juṣāṇáḥ ǁ
Padapatha Transcription Nonaccented
śrātam ǀ manye ǀ ūdhani ǀ śrātam ǀ agnau ǀ su-śrātam ǀ manye ǀ tat ǀ ṛtam ǀ navīyaḥ ǀ
mādhyandinasya ǀ savanasya ǀ dadhnaḥ ǀ piba ǀ indra ǀ vajrin ǀ puru-kṛt ǀ juṣāṇaḥ ǁ