|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 180
|
1. Info |
| To: | indra | |
| From: | jaya aindri | |
| Metres: | 1st set of styles: triṣṭup (1, 2); virāṭtrisṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.180.01 (Mandala. Sukta. Rik)
8.8.38.01 (Ashtaka. Adhyaya. Varga. Rik)
10.12.131 (Mandala. Anuvāka. Rik)
Samhita Devanagari Accented
प्र स॑साहिषे पुरुहूत॒ शत्रूं॒ज्येष्ठ॑स्ते॒ शुष्म॑ इ॒ह रा॒तिर॑स्तु ।
इंद्रा भ॑र॒ दक्षि॑णेना॒ वसू॑नि॒ पतिः॒ सिंधू॑नामसि रे॒वती॑नां ॥
Samhita Devanagari Nonaccented
प्र ससाहिषे पुरुहूत शत्रूंज्येष्ठस्ते शुष्म इह रातिरस्तु ।
इंद्रा भर दक्षिणेना वसूनि पतिः सिंधूनामसि रेवतीनां ॥
Samhita Transcription Accented
prá sasāhiṣe puruhūta śátrūñjyéṣṭhaste śúṣma ihá rātírastu ǀ
índrā́ bhara dákṣiṇenā vásūni pátiḥ síndhūnāmasi revátīnām ǁ
Samhita Transcription Nonaccented
pra sasāhiṣe puruhūta śatrūñjyeṣṭhaste śuṣma iha rātirastu ǀ
indrā bhara dakṣiṇenā vasūni patiḥ sindhūnāmasi revatīnām ǁ
Padapatha Devanagari Accented
प्र । स॒स॒हि॒षे॒ । पु॒रु॒ऽहू॒त॒ । शत्रू॑न् । ज्येष्ठः॑ । ते॒ । शुष्मः॑ । इ॒ह । रा॒तिः । अ॒स्तु॒ ।
इन्द्र॑ । आ । भ॒र॒ । दक्षि॑णेन । वसू॑नि । पतिः॑ । सिन्धू॑नाम् । अ॒सि॒ । रे॒वती॑नाम् ॥
Padapatha Devanagari Nonaccented
प्र । ससहिषे । पुरुऽहूत । शत्रून् । ज्येष्ठः । ते । शुष्मः । इह । रातिः । अस्तु ।
इन्द्र । आ । भर । दक्षिणेन । वसूनि । पतिः । सिन्धूनाम् । असि । रेवतीनाम् ॥
Padapatha Transcription Accented
prá ǀ sasahiṣe ǀ puru-hūta ǀ śátrūn ǀ jyéṣṭhaḥ ǀ te ǀ śúṣmaḥ ǀ ihá ǀ rātíḥ ǀ astu ǀ
índra ǀ ā́ ǀ bhara ǀ dákṣiṇena ǀ vásūni ǀ pátiḥ ǀ síndhūnām ǀ asi ǀ revátīnām ǁ
Padapatha Transcription Nonaccented
pra ǀ sasahiṣe ǀ puru-hūta ǀ śatrūn ǀ jyeṣṭhaḥ ǀ te ǀ śuṣmaḥ ǀ iha ǀ rātiḥ ǀ astu ǀ
indra ǀ ā ǀ bhara ǀ dakṣiṇena ǀ vasūni ǀ patiḥ ǀ sindhūnām ǀ asi ǀ revatīnām ǁ
10.180.02 (Mandala. Sukta. Rik)
8.8.38.02 (Ashtaka. Adhyaya. Varga. Rik)
10.12.132 (Mandala. Anuvāka. Rik)
Samhita Devanagari Accented
मृ॒गो न भी॒मः कु॑च॒रो गि॑रि॒ष्ठाः प॑रा॒वत॒ आ ज॑गंथा॒ पर॑स्याः ।
सृ॒कं सं॒शाय॑ प॒विमिं॑द्र ति॒ग्मं वि शत्रूं॑ताळ्हि॒ वि मृधो॑ नुदस्व ॥
Samhita Devanagari Nonaccented
मृगो न भीमः कुचरो गिरिष्ठाः परावत आ जगंथा परस्याः ।
सृकं संशाय पविमिंद्र तिग्मं वि शत्रूंताळ्हि वि मृधो नुदस्व ॥
Samhita Transcription Accented
mṛgó ná bhīmáḥ kucaró giriṣṭhā́ḥ parāváta ā́ jaganthā párasyāḥ ǀ
sṛkám saṃśā́ya pavímindra tigmám ví śátrūntāḷhi ví mṛ́dho nudasva ǁ
Samhita Transcription Nonaccented
mṛgo na bhīmaḥ kucaro giriṣṭhāḥ parāvata ā jaganthā parasyāḥ ǀ
sṛkam saṃśāya pavimindra tigmam vi śatrūntāḷhi vi mṛdho nudasva ǁ
Padapatha Devanagari Accented
मृ॒गः । न । भी॒मः । कु॒च॒रः । गि॒रि॒ऽस्थाः । प॒रा॒ऽवतः॑ । आ । ज॒ग॒न्थ॒ । पर॑स्याः ।
सृ॒कम् । स॒म्ऽशाय॑ । प॒विम् । इ॒न्द्र॒ । ति॒ग्मम् । वि । शत्रू॑न् । ता॒ळ्हि॒ । वि । मृधः॑ । नु॒द॒स्व॒ ॥
Padapatha Devanagari Nonaccented
मृगः । न । भीमः । कुचरः । गिरिऽस्थाः । पराऽवतः । आ । जगन्थ । परस्याः ।
सृकम् । सम्ऽशाय । पविम् । इन्द्र । तिग्मम् । वि । शत्रून् । ताळ्हि । वि । मृधः । नुदस्व ॥
Padapatha Transcription Accented
mṛgáḥ ǀ ná ǀ bhīmáḥ ǀ kucaráḥ ǀ giri-sthā́ḥ ǀ parā-vátaḥ ǀ ā́ ǀ jagantha ǀ párasyāḥ ǀ
sṛkám ǀ sam-śā́ya ǀ pavím ǀ indra ǀ tigmám ǀ ví ǀ śátrūn ǀ tāḷhi ǀ ví ǀ mṛ́dhaḥ ǀ nudasva ǁ
Padapatha Transcription Nonaccented
mṛgaḥ ǀ na ǀ bhīmaḥ ǀ kucaraḥ ǀ giri-sthāḥ ǀ parā-vataḥ ǀ ā ǀ jagantha ǀ parasyāḥ ǀ
sṛkam ǀ sam-śāya ǀ pavim ǀ indra ǀ tigmam ǀ vi ǀ śatrūn ǀ tāḷhi ǀ vi ǀ mṛdhaḥ ǀ nudasva ǁ
10.180.03 (Mandala. Sukta. Rik)
8.8.38.03 (Ashtaka. Adhyaya. Varga. Rik)
10.12.133 (Mandala. Anuvāka. Rik)
Samhita Devanagari Accented
इंद्र॑ क्ष॒त्रम॒भि वा॒ममोजोऽजा॑यथा वृषभ चर्षणी॒नां ।
अपा॑नुदो॒ जन॑ममित्र॒यंत॑मु॒रुं दे॒वेभ्यो॑ अकृणोरु लो॒कं ॥
Samhita Devanagari Nonaccented
इंद्र क्षत्रमभि वाममोजोऽजायथा वृषभ चर्षणीनां ।
अपानुदो जनममित्रयंतमुरुं देवेभ्यो अकृणोरु लोकं ॥
Samhita Transcription Accented
índra kṣatrámabhí vāmámójó’jāyathā vṛṣabha carṣaṇīnā́m ǀ
ápānudo jánamamitrayántamurúm devébhyo akṛṇoru lokám ǁ
Samhita Transcription Nonaccented
indra kṣatramabhi vāmamojo’jāyathā vṛṣabha carṣaṇīnām ǀ
apānudo janamamitrayantamurum devebhyo akṛṇoru lokam ǁ
Padapatha Devanagari Accented
इन्द्र॑ । क्ष॒त्रम् । अ॒भि । वा॒मम् । ओजः॑ । अजा॑यथाः । वृ॒ष॒भ॒ । च॒र्ष॒णी॒नाम् ।
अप॑ । अ॒नु॒दः॒ । जन॑म् । अ॒मि॒त्र॒ऽयन्त॑म् । उ॒रुम् । दे॒वेभ्यः॑ । अ॒कृ॒णोः॒ । ऊं॒ इति॑ । लो॒कम् ॥
Padapatha Devanagari Nonaccented
इन्द्र । क्षत्रम् । अभि । वामम् । ओजः । अजायथाः । वृषभ । चर्षणीनाम् ।
अप । अनुदः । जनम् । अमित्रऽयन्तम् । उरुम् । देवेभ्यः । अकृणोः । ऊं इति । लोकम् ॥
Padapatha Transcription Accented
índra ǀ kṣatrám ǀ abhí ǀ vāmám ǀ ójaḥ ǀ ájāyathāḥ ǀ vṛṣabha ǀ carṣaṇīnā́m ǀ
ápa ǀ anudaḥ ǀ jánam ǀ amitra-yántam ǀ urúm ǀ devébhyaḥ ǀ akṛṇoḥ ǀ ūṃ íti ǀ lokám ǁ
Padapatha Transcription Nonaccented
indra ǀ kṣatram ǀ abhi ǀ vāmam ǀ ojaḥ ǀ ajāyathāḥ ǀ vṛṣabha ǀ carṣaṇīnām ǀ
apa ǀ anudaḥ ǀ janam ǀ amitra-yantam ǀ urum ǀ devebhyaḥ ǀ akṛṇoḥ ǀ ūṃ iti ǀ lokam ǁ