|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 181
|
1. Info |
| To: | viśvedevās | |
| From: | 1: pratha vāsiṣṭha; 2: sapratha bhāradvāja; 3: gharma saurya |
|
| Metres: | 1st set of styles: nicṛttriṣṭup (1); triṣṭup (2); pādanicṛttriṣṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.181.01 (Mandala. Sukta. Rik)
8.8.39.01 (Ashtaka. Adhyaya. Varga. Rik)
10.12.134 (Mandala. Anuvāka. Rik)
Samhita Devanagari Accented
प्रथ॑श्च॒ यस्य॑ स॒प्रथ॑श्च॒ नामानु॑ष्टुभस्य ह॒विषो॑ ह॒विर्यत् ।
धा॒तुर्द्युता॑नात्सवि॒तुश्च॒ विष्णो॑ रथंत॒रमा ज॑भारा॒ वसि॑ष्ठः ॥
Samhita Devanagari Nonaccented
प्रथश्च यस्य सप्रथश्च नामानुष्टुभस्य हविषो हविर्यत् ।
धातुर्द्युतानात्सवितुश्च विष्णो रथंतरमा जभारा वसिष्ठः ॥
Samhita Transcription Accented
práthaśca yásya sapráthaśca nā́mā́nuṣṭubhasya havíṣo havíryát ǀ
dhātúrdyútānātsavitúśca víṣṇo rathaṃtarámā́ jabhārā vásiṣṭhaḥ ǁ
Samhita Transcription Nonaccented
prathaśca yasya saprathaśca nāmānuṣṭubhasya haviṣo haviryat ǀ
dhāturdyutānātsavituśca viṣṇo rathaṃtaramā jabhārā vasiṣṭhaḥ ǁ
Padapatha Devanagari Accented
प्रथः॑ । च॒ । यस्य॑ । स॒ऽप्रथः॑ । च॒ । नाम॑ । आनु॑ऽस्तुभस्य । ह॒विषः॑ । ह॒विः । यत् ।
धा॒तुः । द्युता॑नात् । स॒वि॒तुः । च॒ । विष्णोः॑ । र॒थ॒म्ऽत॒रम् । आ । ज॒भा॒र॒ । वसि॑ष्ठः ॥
Padapatha Devanagari Nonaccented
प्रथः । च । यस्य । सऽप्रथः । च । नाम । आनुऽस्तुभस्य । हविषः । हविः । यत् ।
धातुः । द्युतानात् । सवितुः । च । विष्णोः । रथम्ऽतरम् । आ । जभार । वसिष्ठः ॥
Padapatha Transcription Accented
práthaḥ ǀ ca ǀ yásya ǀ sa-práthaḥ ǀ ca ǀ nā́ma ǀ ā́nu-stubhasya ǀ havíṣaḥ ǀ havíḥ ǀ yát ǀ
dhātúḥ ǀ dyútānāt ǀ savitúḥ ǀ ca ǀ víṣṇoḥ ǀ ratham-tarám ǀ ā́ ǀ jabhāra ǀ vásiṣṭhaḥ ǁ
Padapatha Transcription Nonaccented
prathaḥ ǀ ca ǀ yasya ǀ sa-prathaḥ ǀ ca ǀ nāma ǀ ānu-stubhasya ǀ haviṣaḥ ǀ haviḥ ǀ yat ǀ
dhātuḥ ǀ dyutānāt ǀ savituḥ ǀ ca ǀ viṣṇoḥ ǀ ratham-taram ǀ ā ǀ jabhāra ǀ vasiṣṭhaḥ ǁ
10.181.02 (Mandala. Sukta. Rik)
8.8.39.02 (Ashtaka. Adhyaya. Varga. Rik)
10.12.135 (Mandala. Anuvāka. Rik)
Samhita Devanagari Accented
अविं॑दं॒ते अति॑हितं॒ यदासी॑द्य॒ज्ञस्य॒ धाम॑ पर॒मं गुहा॒ यत् ।
धा॒तुर्द्युता॑नात्सवि॒तुश्च॒ विष्णो॑र्भ॒रद्वा॑जो बृ॒हदा च॑क्रे अ॒ग्नेः ॥
Samhita Devanagari Nonaccented
अविंदंते अतिहितं यदासीद्यज्ञस्य धाम परमं गुहा यत् ।
धातुर्द्युतानात्सवितुश्च विष्णोर्भरद्वाजो बृहदा चक्रे अग्नेः ॥
Samhita Transcription Accented
ávindanté átihitam yádā́sīdyajñásya dhā́ma paramám gúhā yát ǀ
dhātúrdyútānātsavitúśca víṣṇorbharádvājo bṛhádā́ cakre agnéḥ ǁ
Samhita Transcription Nonaccented
avindante atihitam yadāsīdyajñasya dhāma paramam guhā yat ǀ
dhāturdyutānātsavituśca viṣṇorbharadvājo bṛhadā cakre agneḥ ǁ
Padapatha Devanagari Accented
अवि॑न्दन् । ते । अति॑ऽहितम् । यत् । आसी॑त् । य॒ज्ञस्य॑ । धाम॑ । प॒र॒मम् । गुहा॑ । यत् ।
धा॒तुः । द्युता॑नात् । स॒वि॒तुः । च॒ । विष्णोः॑ । भ॒रत्ऽवा॑जः । बृ॒हत् । आ । च॒क्रे॒ । अ॒ग्नेः ॥
Padapatha Devanagari Nonaccented
अविन्दन् । ते । अतिऽहितम् । यत् । आसीत् । यज्ञस्य । धाम । परमम् । गुहा । यत् ।
धातुः । द्युतानात् । सवितुः । च । विष्णोः । भरत्ऽवाजः । बृहत् । आ । चक्रे । अग्नेः ॥
Padapatha Transcription Accented
ávindan ǀ té ǀ áti-hitam ǀ yát ǀ ā́sīt ǀ yajñásya ǀ dhā́ma ǀ paramám ǀ gúhā ǀ yát ǀ
dhātúḥ ǀ dyútānāt ǀ savitúḥ ǀ ca ǀ víṣṇoḥ ǀ bharát-vājaḥ ǀ bṛhát ǀ ā́ ǀ cakre ǀ agnéḥ ǁ
Padapatha Transcription Nonaccented
avindan ǀ te ǀ ati-hitam ǀ yat ǀ āsīt ǀ yajñasya ǀ dhāma ǀ paramam ǀ guhā ǀ yat ǀ
dhātuḥ ǀ dyutānāt ǀ savituḥ ǀ ca ǀ viṣṇoḥ ǀ bharat-vājaḥ ǀ bṛhat ǀ ā ǀ cakre ǀ agneḥ ǁ
10.181.03 (Mandala. Sukta. Rik)
8.8.39.03 (Ashtaka. Adhyaya. Varga. Rik)
10.12.136 (Mandala. Anuvāka. Rik)
Samhita Devanagari Accented
ते॑ऽविंद॒न्मन॑सा॒ दीध्या॑ना॒ यजुः॑ ष्क॒न्नं प्र॑थ॒मं दे॑व॒यानं॑ ।
धा॒तुर्द्युता॑नात्सवि॒तुश्च॒ विष्णो॒रा सूर्या॑दभरन्घ॒र्ममे॒ते ॥
Samhita Devanagari Nonaccented
तेऽविंदन्मनसा दीध्याना यजुः ष्कन्नं प्रथमं देवयानं ।
धातुर्द्युतानात्सवितुश्च विष्णोरा सूर्यादभरन्घर्ममेते ॥
Samhita Transcription Accented
té’vindanmánasā dī́dhyānā yájuḥ ṣkannám prathamám devayā́nam ǀ
dhātúrdyútānātsavitúśca víṣṇorā́ sū́ryādabharangharmámeté ǁ
Samhita Transcription Nonaccented
te’vindanmanasā dīdhyānā yajuḥ ṣkannam prathamam devayānam ǀ
dhāturdyutānātsavituśca viṣṇorā sūryādabharangharmamete ǁ
Padapatha Devanagari Accented
ते । अ॒वि॒न्द॒न् । मन॑सा । दीध्या॑नाः । यजुः॑ । स्क॒न्नम् । प्र॒थ॒मम् । दे॒व॒ऽयान॑म् ।
धा॒तुः । द्युता॑नात् । स॒वि॒तुः । च॒ । विष्णोः॑ । आ । सूर्या॑त् । अ॒भ॒र॒न् । घ॒र्मम् । ए॒ते ॥
Padapatha Devanagari Nonaccented
ते । अविन्दन् । मनसा । दीध्यानाः । यजुः । स्कन्नम् । प्रथमम् । देवऽयानम् ।
धातुः । द्युतानात् । सवितुः । च । विष्णोः । आ । सूर्यात् । अभरन् । घर्मम् । एते ॥
Padapatha Transcription Accented
té ǀ avindan ǀ mánasā ǀ dī́dhyānāḥ ǀ yájuḥ ǀ skannám ǀ prathamám ǀ deva-yā́nam ǀ
dhātúḥ ǀ dyútānāt ǀ savitúḥ ǀ ca ǀ víṣṇoḥ ǀ ā́ ǀ sū́ryāt ǀ abharan ǀ gharmám ǀ eté ǁ
Padapatha Transcription Nonaccented
te ǀ avindan ǀ manasā ǀ dīdhyānāḥ ǀ yajuḥ ǀ skannam ǀ prathamam ǀ deva-yānam ǀ
dhātuḥ ǀ dyutānāt ǀ savituḥ ǀ ca ǀ viṣṇoḥ ǀ ā ǀ sūryāt ǀ abharan ǀ gharmam ǀ ete ǁ